ຄຳສັບກ່ຽວກັບອາຫານ ແລະ ເຄື່ອງດື່ມໃນພາສາຫວຽດ

ອາຫານຂອງແຕ່ລະປະເທດມີລົດຊາດ, ມີຄວາມເປັນເອກະລັກສ່ວນຕົວຂອງໃຜລາວ ແລະ ອາຫານຫວຽດກໍ່ຄືກັນ. ທ່ານໄດ້ຊິມອາຫານຫວຽດແລ້ວບໍວ່າເປັນແນວໃດ? ຖ້າທ່ານຫາກໍ່ມາຫວຽດຮອດຫວຽດນາມ ແລະ ຢາກໄປກິນອາຫານຫວຽດເບິ່ງວ່າເປັນແນວໃດ? ແຕ່ວ່າທ່ານຍັງບໍ່ຮູ້ພາສາຫວຽດດີ, ບໍ່ໄດ້ຄຳສັບກ່ຽວກັບອາຫານ ແລະ ເຄື່ອງດື່ມໃນພາສາຫວຽດດີ, ທ່ານຢ່າຟ້າວກັງວົນເພາະບົດຮຽນນີ້ຈະຊ່ວຍທ່ານໄດ້ໃນເວລາທີ່ເຂົ້າຮ້ານອາຫານຫວຽດນາມ ແລະ ໜັ້ນໃຈໃນສັ່ງອາຫານຫວຽດບໍ່ວ່າຈະເປັນເມນູອາຫານ ຫຼື ເຄື່ອງດື່ມປະເພດໃດກໍ່ຕາມທີ່ທ່ານມັກ. ບົດຮຽນດ້ານລຸ່ມນີ້ແມ່ນບົດຄຳສັບກ່ຽວກັບອາຫານ ແລະ ເຄື່ອງດື່ມໃນພາສາຫວຽດ.

1. ຄຳສັບກ່ຽວກັບອາຫານໃນພາສາຫວຽດ

ຫວຽດນາມ ​ແມ່ນ​ປະ​ເທດ​ກະສິກຳ​ທີ່​ຕັ້ງ​ຢູ່​ເຂດອາກາດຮ້ອນ​ມໍ​ລະ​ສຸມ​​. ອານາ​ເຂດ​ຂອງ​ຫວຽດນາມ​​ແບ່ງ​ອອກ​ເປັນ 3 ​ເຂດ​ທີ່​ແຕກ​ຕ່າງ​ກັນ​ຄື: ພາກ​ເໜືອ, ພາກ​ກາງ ແລະ ພາກ​ໃຕ້, ໂດຍມີ 54 ຊົນ​ເຜົ່າອ້າຍນ້ອງ. ​ລັກສະນະ​ພູມີປະເທດ, ວັດທະນະທຳ, ຊົນ​ເຜົ່າ, ພູມ​ອາກາດ​ຈະກຳນົດ​ລັກສະນະ​ພິ​ເສດ​ຂອງ​ອາຫານ​ການ​ກິນ​ຢູ່ແຕ່ລະ​ພາກ​. ແຕ່​ລະ​ພາກອາຫານມີຄວາມ​ເປັນ​ເອ​ກະ​ລັກ ​ແລະ ​ລົດ​ຊາດ​ຂອງ​ຕົນ​ ​ເຮັດ​ໃຫ້​ອາຫານ​ຫວຽດນາມ​ອຸດົມສົມບູນ ​ແລະ ມີ​ຄວາມ​ຫຼາກ​ຫຼາຍ. ອາຫານທີ່ເຮັດມາຈາກຜັກມີຫຼາຍຊະນິດ (ຕົ້ມ, ຂົ້ວ, ດອງ, ກິນດິບ); ແກງມີຫຼາຍຊະນິດ, ໂດຍສະເພາະແມ່ນແກງສົ້ມ, ໃນນັ້ນອາຫານທີ່ປຸງແຕ່ງດ້ວຍເນື້ອສັດມີໜ້ອຍ. ຊີ້ນສັດ​​ທີ່​ຄົນຫວຽດນິຍົມ​ກິນ​​ແມ່ນ: ​ຊີ້ນ​ໝູ, ຊີ້ນ​ງົວ, ໄກ່, ເປັດ, ກຸ້ງ, ປາ, ກະປູ, ຫອຍ, ຫອຍແຄງ, ຫອຍກວ້າງ, ຫອຍ​ນາງ​ລົມ, ຫອຍກີ້ ແລະ ​ອື່ນໆ. ​ຄົນຫວຽດຈະໃຫ້ຄວາມສຳຄັນກັບ​​ອາ​ຫານ​ທີ່ແຊບຫຼາຍ. ບົດນີ້ແມ່ນຄຳສັບກ່ຽວກັບອາຫານໃນພາສາຫວຽດ.

1.1 ຄຳສັບກ່ຽວກັບອາຫານປະເພດແກງ

ແກງແມ່ນອາຫານທີ່ຂາດບໍ່ໄດ້ໃນເມນູອາຫານຂອງຄົນຫວຽດ. ນອກຈາກຈະຊ່ວຍເສີມລົດຊາດຂອງອາຫານໃຫ້ແຊບແລ້ວ, ກິນແກງຍັງຊ່ວຍໃຫ້ຮ່າງກາຍດູດຊຶມອາຫານໄດ້ດີອີກ. ລຸ່ມນີ້ແມ່ນບາງຄຳສັບກ່ຽວກັບແກງໃນພາສາຫວຽດ:

ລ/ດ	ຄຳສັບພາສາຫວຽດ	ຄຳທັບສັບພາສາລາວ	ຄວາມໝາຍ	ໝາຍເຫດ
1	Canh chua cá kèo	ແກັງ ຈົວ ກາ ແກ່ວ	ແກງສົ້ມປາແກ້ວ
2	Canh cá khoai cải cúc	ແກັງ ກາ ຄວາຍ ກາຍ ກຸກ	ແກງປາໃສ່ເຜືອກ ແລະ ຜັກຕັງໂອ
3	Canh cá khoai thì là	ແກັງ ກາ ຄວາຍ ຖີ່ ລ່າ	ແກງປາໃສ່ເຜືອກ ແລະ ຜັກຊີ
4	Canh chua cá chạch	ແກັງ ຈົວ ກາ ແຈັກ	ແກງສົ້ມປາຫຼົດ
5	Canh rau rền thịt bò	ແກັງ ເຢົາ ເຢ່ນ ຖິດ ບໍ່	ແກງຜັກຫົມໃສ່ຊີ້ນງົວ
6	Canh chua cá bò	ແກັງ ຈົວ ກາ ບໍ່	ແກງສົ້ມປາໜັງ
7	Canh rong biển cà chua	ແກັງ ຢອງ ບຽນ ກ່າ ຈົວ	ແກງສາລ່າຍທະເລໃສ່ໝາກເລັ່ນ
8	Canh rau ngót chay đậu phụ	ແກັງ ເຢົາ ງອດ ໄຈ ເດົ້າ ຟຸ	ແກງຜັກຫວານໃສ່ເຕົ້າຮູ້
9	Canh cải thìa nấu xương lợn	ແກັງ ກາຍ ເທ່ຍ ເໜົາ ເຊືອງ ເລິ້ນ	ແກງຜັກຮົ່ງເຕ່ໃສ່ກະດູກໝູ
10	Canh gà nấu lá tỏi	ແກັງ ກ່າ ເໜົາ ຫຼາ ຕອຍ	ແກງໄກ່ໃສ່ໃບກະທຽມ
11	Canh khoai mỡ nấu cá quả	ແກັງ ຄວາຍ ເໝີ ເໜົາ ກາ ກວາ	ແກງມັນອ້ອນໃສ່ປາຄໍ່
12	Canh mùng tơi tôm khô	ແກັງ ມຸ່ງ ເຕີຍ ໂຕມ ໂຄ	ແກງຜັກປັງໃສ່ກຸ້ງແຫ້ງ
13	Canh rong biển hải sản	ແກັງ ຢອງ ບຽນ ຫາຍ ສານ	ແກງສາລ່າຍທະເລ	r ຈະອອກສຽງເປັນໂຕ ຢ ຖ້າທຽບໃສ່ສຳນຽງພາກໃຕ້
14	Canh thịt bò khoai tây cà rốt	ແກັງ ທິດ ບໍ່ ຄວາຍ ເິຕຍ ກ່າ ຣົດ	ແກງຊິ້ນງົວໃສ່ມັນຝຮັ່ງ ແລະ ແຄຣອດ
15	Canh gà chôm chôm	ແກັງ ກ່າ ໂຈມ ໂຈມ	ແກງໄກ່ໃສ່ໝາກເງາະ
16	Canh rau sắn	ແກັງ ເຢົາ ສັນ	ແກງຍອດມັນຕົ້ນ
17	Canh kim chi sườn lợn	ແກັງ ກິມ ຈິ ເຊື່ອນ ເລິນ	ແກງກິມຈິໃສ່ກະດູກຂ້າງໝູ
18	Canh gà hạt sen	ແກັງ ກ່າ ຮາດ ແຊນ	ແກງໄກ່ໃສ່ເມັດບົວ
19	Canh bắp (ngô) hầm xương	ແກັງ ບັບ (ໂງ) ເຮິ່ມ ເຊືອງ	ແກງສາລີໃສ່ກະດູກ
20	Canh mùng tơi đậu phụ	ແກັງ ມຸ່ງ ເຕີຍ ເດົ້າ ຟຸ	ແກງຜັກປັງໃສ່ເຕົ້າຮູ້
21	Canh đậu phụ, giá, hẹ, thịt băm	ແກັງ ເດົ້າ ຟຸ, ຢາ, ແຮະ, ທິດ ບຳ	ແກງເຕົ້າຮູ້ໃສ່ຖົ່ງງອກ, ຜັກປານ ແລະ ຊິ້ນບົດ
22	Canh cua rau rút nấm rơm	ແກັງ ກົວ ເຢົາ ຢຸດ ເໝິມ ເຢິມ	ແກງກະປູໃສ່ຜັກກະເສດ ແລະ ເຫັດເຟືອງ
23	Canh ngao nấu đậu phụ	ແກັງ ງາວ ເໜົາ ເດົ້າ ຟຸ	ແກງຫອຍກີ້ໃສ່ເຕົ້າຮູ້
24	Canh gà nấu chua lá é	ແກັງ -ກ່າ ເໜົາ ຈົວ ຫຼາ ແອ	ແກງສົ້ມໄກ່ໃສ່ຜັກອີ່ຕູ
25	Canh mướp nấu thịt bò và nấm bào ngư	ແກັງ ເໝືອບ ເໜົາ ທິດ ບໍ່ ວ່າ ເໜິມ ບ່າວ ງື	ແກງໝາກບວກໃສ່ຊິ້ນງົວ ແລະ ເຫັດນາງລົມ
26	Canh sà lách, cải xoong và thịt bò	ແກັງ ຊ່າ ເລັກ, ກາຍ ຊອງ ວ່າ ທິດ ບໍ່	ແກງຜັກສະຫຼັດ, ຜັກກາດນ້ຳ ແລະ ຊີ້ນງົວ
27	Canh cá basa nấu mẻ	ແກັງ ກາ ບາສາ ເໜົາ ແມ	ແກງປາບາສາໃສ່ເຂົ້າສົ້ມ
28	Canh rau muống nấu tôm	ແກັງ ເຢົາ ໝວງ ເໜົາ ໂຕມ	ແກງຜັກບົ້ງໃສ່ກຸ້ງ
29	Canh khoai sọ rau muống	ແກັງ ຄວາຍ ເຊາະ ເຢົາ ໝວງ	ແກງເຜືອກໃສ່ຜັກບົ້ງ
30	Canh rau đay nấu tôm	ແກັງ ເຢົາ ໄດ ເໜົາ ໂຕມ	ແກງຜັກປໍເໝືອດໃສ່ກຸ້ງ
31	Canh cải cúc cà chua	ແກັງ ກາຍ ກຸກ ກ່າ ຈົວ	ແກງຜັກຕັງໂອໃສ່ໝາກເລັ່ນ
32	Canh rau cần nấu tôm	ແກັງ ເຢົາ ເກິ່ນ ເໜົາ ໂຕມ	ແກງຜັກຊີຊ້າງໃສ່ກຸ້ງ
33	Canh xương củ cải	ແກັງ ເຊືອງ ກູ ກາຍ	ແກງກະດູກໃສ່ຫົວຜັກກາດຂາວ
34	Canh đu đủ thịt cua viên	ແກັງ ດູ ດູ່ ທິດ ກົວ ວຽນ	ແກງໝາກຫຸ່ງໃສ່ລູກຊີ້ນປູ
35	Canh cải nấu ngao	ແກັງ ກາຍ ເໜົາ ງາວ	ແກງຜັກກາດໃສ່ຫອຍກີ້
36	Canh cải cá rô	ແກັງ ກາຍ ກາ ໂຣ	ແກງຜັກກາດໃສ່ປາເຂັງ
38	Canh bông bí nấu tôm	ແກັງ ບົງ ບີ ເໜົາ ໂຕມ	ແກງດອກໝາກອຶໃສ່ກຸ້ງ
39	Canh cải ngồng nấu tôm	ແກັງ ກາຍ ງົ່ງ ເໜົາ ໂຕມ	ແກງຜັກກາດຊ້ອມໃສ່ກຸ້ງ
40	Canh hàu nấu măng chua	ແກັງ ເຮົ່າ ເໜົາ ມັງ ຈົວ	ແກງຫອຍນາງລົມໃສ່ໜໍ່ໄມ້ສົ້ມ
41	Canh vịt hầm đu đủ	ແກັງ ວິດ ເຮິ່ມ ດູ ດູ່	ແກງເປັດອົບໃສ່ໝາກຫຸ່ງ
42	Canh ghẹ rau muống	ແກັງ ເເ-ກະ ເຢົາ ໝວງ	ແກງກະປູໄຂ່ໃສ່ຜັກບົ້ງ
43	Canh bầu nấu trứng	ແກັງ ເບົ່າ ເໜົາ ຈຶງ	ແກງໝາກນ້ຳໃສ່ໄຂ່
44	Canh đu đủ	ແກັງ ດູ ດູ່	ແກງໝາກຫຸ່ງ
45	Canh củ dền thịt băm	ແກັງ ກູ ເຢ່ນ ທິດ ບຳ	ແກງບິດລູດໃສ່ຊີ້ນບົດ	D ຈະອອກສຽງເປັນໂຕ ຢ ຖ້າທຽບໃສ່ສຳນຽງພາກກາງ – ໃຕ້
46	Canh đậu đũa	ແກັງ ເດົ້າ ດົວ	ແກງໝາກຖົ່ວຍາວ
47	Cá chim nấu canh chua	ກາ ຈິມ ເໜົາ ແກັງ ຈົວ	ແກງປາກະພົງໃສ່ໝາກເລັ່ນ
48	Bí đao thịt băm	ບີ ດາວ ທິດ ບຳ	ແກງໝາກໂຕ່ນໃສ່ຊີ້ນບົດ
49	Canh thịt bò cà chua	ແກັງ ທິດ ບໍ່ ກ່າ ຈົວ	ແກງຊີ້ນງົວໃສ່ໝາກເລັ່ນ
50	Canh hến	ແກັງ ເຫນ	ແກງຫອຍກີ້
51	Canh thịt bò rau răm	ແກັງ ທິດ ບໍ່ ເຢົາ ຢຳ	ແກງຊີ້ນງົວໃສ່ຜັກແພວ
52	Cá lóc khô nấu canh chua	ກາ ລັອກ ໂຄ ເໜົາ ແກັງ ຈົວ	ແກງສົ້ມປາຄໍ່ແຫ້ງ
53	Canh măng chua	ແກັງ ມັງ ຈົວ	ແກງໜໍ່ໄມ້ສົ້ມ
54	Canh nha đam nấu sườn, tôm	ແກັງ ຍາ ດາມ ເໜົາ ເຊື່ອນ, ໂຕມ	ແກງຫວ້ານຫາງແຂ້ໃສ່ກະດູກໝູ ແລະ ກຸ້ງ
55	Canh gân bò chua cay	ແກັງ ເ-ກິນ ບໍ່ ຈົວ ໄກ	ແກງສົ້ມເຜັດເອັນງົວ
56	Canh chua đậu phụ cay	ແກັງ ຈົວ ເດົ້າ ຟຸ ໄກ	ແກງສົ້ມເຜັດເຕົ້າຮູ້
57	Canh tôm nấu mẻ	ແກັງ ໂຕມ ເໜົາ ແມ	ແກງກຸ້ງໃສ່ເຂົ້າສົ້ມ
58	Canh chuối đậu phụ	ແກັງ ຈວຍ ເດົ້າ ຟຸ	ແກງກ້ວຍໃສ່ເຕົ້າຮູ້
59	Canh ngó môn tôm thịt	ແກັງ ຫງໍ ໂມນ ໂຕມ ທິດ	ແກງກ້ານເຜືອກໃສ່ກຸ້ງ ແລະ ຊີ້ນ
60	Canh gà mướp đắng	ແກັງ -ກ່າ ເມືອບ ດັງ	ແກງໄກ່ໃສ່ໝາກມະລະ
61	Canh thập cẩm	ແກັງ ເທິບ ເກິມ	ແກງລວມມິດ
62	Canh rong biển thịt bò	ແກັງ ຢອງ ບຽນ ທິດ ບໍ່	ແກງສາລ່າຍໃສ່ຊີ້ນງົວ
63	Canh bắp chuối nấu sườn lợn, tôm	ແກັງ ບັບ ຈວຍ ເໜົາ ເຊື່ອນ ເລິ້ນ, ໂຕມ	ແກງໝາກປີໃສ່ກະດູກຂ້າງໝູ ແລະ ກຸ້ງ
64	Canh chua đầu cá hồi	ແກັງ ຈົວ ເດົ່າ ກາ ໂຮ່ຍ	ແກງສົ້ມຫົວປາແຊວມອນ
65	Canh rau bí	ແກັງ ເຢົາ ບີ	ແກງຍອດໝາກອຶ
66	Canh cà chua trứng	ແກັງ ກ່າ ຈົວ ຈຶງ	ແກງໄຂ່ໃສ່ໝາກເລັ່ນ
67	Canh hoa thiên	ແກັງ ຮວາ ທຽນ	ແກງດອກທຽນລີ້
68	Canh rau đay tôm khô	ແກັງ ເຢົາ ໄດ ໂຕມ ໂຄ	ແກງຜັກປໍໃສ່ກຸ້ງແຫ້ງ
69	Canh bầu nấu hến	ແກັງ ເບົ່າ ເໜົາ ເຫນ	ແກງໝາກນ້ຳໃສ່ຫອຍກີ້
70	Canh rau má thịt băm	ແກັງ ເຢົາ ໝາ ທິດ ບຳ	ແກງຜັກໜອກໃສ່ຊີ້ນບົດ

ໝາຍເຫດ: ຄຳທັບສັບ (ຄຳອ່ານ) ຈະບໍ່ຖືກຕ້ອງຕາມສຳນຽງພາສາຫວຽດ 100%

1.2 ຄຳສັບກ່ຽວກັບອາຫານປະເພດອົບໃນພາສາຫວຽດ

ອົບເປັນອາຫານເມນູໜຶ່ງ, ວິທີການປຸງແຕ່ງແມ່ນໃສ່ວັດຖຸດິບ ຫຼື ສ່ວນປະກອບທີ່ຕ້ອງການ, ໃສ່ນໍ້າພໍປະມານ ແລະ ຕົ້ມໃນເວລາດົນ. ຕາຕະລາງລຸ່ມນີ້ແມ່ນບາງຄຳສັບກ່ຽວກັບອາຫານປະເພດອົບໃນພາສາຫວຽດ.

ລ/ດ	ຄຳສັບພາສາຫວຽດ	ຄຳທັບສັບພາສາລາວ	ຄວາມໝາຍ	ໝາຍເຫດ
1	Gà hầm thuốc bắc	ກ່າ ເຮິ່ມ ຖັວກ ບັກ	ອົບໄກ່ໃສ່ຢາຈີນ
2	Gà hầm hạt sen	ກ່າ ເຮິ່ມ ຮາດ ແຊນ	ອົບໄກ່ໃສ່ເມັດໝາກບົວ
3	Xương bò hầm atiso	ເຊືອງ ບໍ່ ເຮິ່ມ ອາຕີໂຊ	ອົບກະດູກງົວໃສ່ດອກອາຕີໂຊ
4	Bồ câu hầm sen	ໂບ່ ເກົາ ເຮິ່ມ ແຊນ	ອົບນົກກາງແກໃສ່ເມັດໝາກບົວ
5	Thịt dê hầm gừng	ທິດ ເຢ ເຮິ່ມ -ກຶ່ງ	ອົບຊີ້ນແບ້ໃສ່ຂີງ	D ຈະອອກສຽງເປັນໂຕ ຢ ຖ້າທຽບໃສ່ສຳນຽງພາກໃຕ້
6	Vịt hầm bí trần bì	ວິດ ເຮິ່ມ ບີ ເຈິ່ນ ບີ່	ອົບເປັດໃສ່ເປຶອກໝາກກ້ຽງນ້ອຍຕາກແຫ້ງ
7	Gân bò hầm	ເ-ກິນ ບໍ່ ເຮິ່ມ	ອົບເອັນງົວ
8	Đuôi bò hầm	ດວຍ ບໍ່ ເຮິ່ມ	ອົບຫາງງົວ
9	Bắp bò hầm	ບັບ ບໍ່ ເຮິ່ມ	ອົບຂາລາຍງົວ
10	Bao tử hầm	ບາວ ຕື ເຮິ່ມ	ອົບກະເພາະ
11	Măng khô hầm	ມັງ ໂຄ ເຮິ່ມ	ອົບໜໍ່ໄມ້ແຫ້ງ

ໝາຍເຫດ: ຄຳທັບສັບ (ຄຳອ່ານ) ຈະບໍ່ຖືກຕ້ອງຕາມສຳນຽງພາສາຫວຽດ 100%

1.3 ຄຳກັບກ່ຽວກັບອາຫານປະເພດຈືນໃນພາສາຫວຽດ

ອາຫານປະເພດຈືນແມ່ນອາຫານທີ່ໃຊ້ວິທີການປຸງອາຫານດ້ວຍນ້ຳມັນ ຫຼື ໄຂມັນອື່ນໆເຊັ່ນ: ປາຈືນ, ເຂົ້າຈືນ, ເຕົ້າຮູ້ທອດ ແລະ ອື່ນໆ. ຕາຕະລາງລຸ່ມນີ້ແມ່ນຄຳສັບກ່ຽວກັບອາຫານປະເພດຈືນໃນພາສາຫວຽດ.

ລ/ດ	ຄຳສັບພາສາຫວຽດ	ຄຳທັບສັບພາສາລາວ	ຄວາມໝາຍ	ໝາຍເຫດ
1	Cơm chiên cuộn trứng	ເກີມ ຈຽນ ກ້ວນ ຈຶງ	ເຂົ້າຈືນຫໍ່ໄຂ່
2	Đuôi heo chiên mắm	ດວຍ ແຮວ ຈຽນ ໝຳ	ຫາງໝູຈືນນ້ຳປາ
3	Chiên chả giò hạt sen	ຈຽນ ຈາ ຢໍ່ ຮາດ ແຊນ	ຈືນແໜມເມັດໝາກບົວ	Gi ຈະອອກສຽງເປັນໂຕ ຢ ຖ້າທຽບໃສ່ສຳນຽງພາກໃຕ້
4	Cá chép chiên giòn	ກາ ແຈັບ ຈຽນ ຢ່ອນ	ປາໄນຈືນກອບ	Gi ຈະອອກສຽງເປັນໂຕ ຢ ຖ້າທຽບໃສ່ສຳນຽງພາກໃຕ້
5	Mực chiên giòn	ມຶກ ຈຽນ ຢ່ອນ	ປາມຶກຈືນກອບ	Gi ຈະອອກສຽງເປັນໂຕ ຢ ຖ້າທຽບໃສ່ສຳນຽງພາກໃຕ້
6	Trứng rán	ຈຶງ ຢານ	ໄຂ່ຈືນ
7	Trứng ốp	ຈຶງ ໂອບ	ໄຂ່ດາວ
8	Bánh bao chay chiên	ແບັງ ບາວ ໄຈ ຈຽນ	ຊະລາເປົາຈືນ
9	Chân giò rang muối	ເຈິນ ຢໍ່ ຢາງ ໝວຍ	ຂາໝູຈືນເກືອ	Gi ຈະອອກສຽງເປັນໂຕ ຢ ຖ້າທຽບໃສ່ສຳນຽງພາກໃຕ້
10	Tôm chiên khoai tây	ໂຕມ ຈຽນ ຄວາຍ ເຕິຍ	ກຸ້ງຈືນມັນຝຮັ່ງ
11	Vịt chiên nước dừa	ວິດ ຈຽນ ເໜືອກ ເຢື່ອ	ຈືນເປັດໃສ່ນ້ຳໝາກພ້າວ	D ຈະອອກສຽງເປັນໂຕ ຢ ຖ້າທຽບໃສ່ສຳນຽງພາກໃຕ້
12	Cơm rang dưa bò	ເກີມ ຢາງ ເຢືອ ບໍ່	ເຂົ້າຜັດໃສ່ສົ້ມຜັກ ແລະ ຊີ້ນງົວ	D ຈະອອກສຽງເປັນໂຕ ຢ ຖ້າທຽບໃສ່ສຳນຽງພາກໃຕ້
13	Cơm rang thập cẩm	ເກີມ ຢາງ ເທິບ ເກິມ	ເຂົ້າຜັດລວມມິດ
14	Cơm rang hải sản	ເກີມ ຢາງ ຫາຍ ສານ	ເຂົ້າຜັດທະເລລວມ
15	Cơm rang gà xé thập cẩm	ເກີມ ຢາງ ກ່າ ເສ ເທິບ ເກິມ	ເຂົ້າຜັດໄກ່ຈີກລວມມິດ
16	Gà chiên muối ớt	ກ່າ ຈຽນ ໝວຍ ເອິດ	ຈືນໄກ່ເອືອບເກືອ-ໝາກເຜັດ
17	Lưỡi vịt chiên sả ớt	ເຫຼືອຍ ວິດ ຈຽນ ສາ ເອິດ	ຈືນລີ້ນເປັດໃສ່ຫົວສີໄຄໝາກເຜັດ
18	Đùi gà chiên mật ong	ດຸ່ຍ ກ່າ ຈຽນ ເມິດ ອອງ	ຈືນຂາໄກ່ໃສ່ນ້ຳເຜິ້ງ
19	Nem rán	ແນມ ຢານ	ຢໍ່ຈືນ

ໝາຍເຫດ: ຄຳທັບສັບ (ຄຳອ່ານ) ຈະບໍ່ຖືກຕ້ອງຕາມສຳນຽງພາສາຫວຽດ 100%

1.4 ຄຳສັບກ່ຽວກັບອາຫານປະເພດຂົ້ວໃນພາສາຫວຽດ

​ຂົ້ວ​ແມ່ນອາຫານປະເພດ​ປຸງ​ແຕ່ງ​ໂດຍການໃຊ້ນ້ຳມັນ​​ໜ້ອຍ​ໜຶ່ງ ຫຼື ນ້ຳ​ມັນໃນ​ໝໍ້​ຮ້ອນ​ພ້ອມ​ເຄື່ອງ​ເທດ ແລະ ວັດຖຸດິບ ແລ້ວຄົນໃຫ້ເຂົ້າກັນ. ຄົນຫວຽດ​ມັກ​ແຕ່ງເພື່ອກິນ​​ກັບ​ເຂົ້າ ແລະ ເປັນຂອງແກ້ມ. ຕາຕະລາງລຸ່ມນີ້ແມ່ນຄຳສັບສັບກ່ຽວກັບອາຫານປະເພດຂົ້ວໃນພາສາຫວຽດ.

ລ/ດ	ຄຳສັບພາສາຫວຽດ	ຄຳທັບສັບພາສາລາວ	ຄວາມໝາຍ	ໝາຍເຫດ
1	Lòng lợn xào dưa	ລ່ອງ ເລິນ ຊ່າວ ເຢືອ	ຂົ້ວເຄື່ອງໃນໝູໃສ່ສົ້ມຜັກ	D ຈະອອກສຽງເປັນໂຕ ຢ ຖ້າທຽບໃສ່ສຳນຽງພາກໃຕ້
2	Rau muống xào thịt bò	ເຢົາ ໝວງ ຊ່າວ ທິດ ບໍ່	ຂົ້ວຜັກບົ້ງໃສ່ຊີ້ນງົວ
3	Ếch xào sả ớt	ແອັກ ຊ່າວ ສາ ເອິດ	ຜັດເຜັດກົບ
4	Rau má xào thịt bò	ເຢົາ ໝາ ຊ່າວ ທິດ ບໍ່	ຂົ້ວຜັກໜອກໃສ່ຊີ້ນງົວ
5	Khoai tây xào lòng gà	ຄວາຍ ເຕີຍ ຊ່າວ ລ່ອງ -ກ່າ	ຂົ້ວມັນຝຣັ່ງໃສ່ເຄື່ອງໃນໄກ່
6	Dạ dày xào rau răm	ຢະ ໄຢ່ ຊ່າວ ເຢົາ ຢຳ	ຂົ້ວກະເພາະໃສ່ຜັກແພວ	D, r ຈະອອກສຽງເປັນໂຕ ຢ ຖ້າທຽບໃສ່ສຳນຽງພາກໃຕ້
7	Mướp đắng xào trứng	ເໜືອບ ດັງ ຊ່າວ ຈຶງ	ຂົ້ວໝາກໄສ່ໃສ່ໄຂ່
8	Đậu phụ xào trứng	ເດົ້າ ຟຸ ຊ່າວ ຈຶງ	ຂົ້ວເຕົ້າຮູ້ໃສ່ໄຂ່
9	Dưa cải chua xào trứng	ເຢືອ ກາຍ ຈົວ ຊ່າວ ຈຶງ	ຂົ້ວສົ້ມຜັກກາດໃສ່ໄຂ່	D ຈະອອກສຽງເປັນໂຕ ຢ ຖ້າທຽບໃສ່ສຳນຽງພາກໃຕ້
10	Lòng bò xào khế chua	ລ່ອງ ບໍ່ ຊ່າວ ເຂ ຈົວ	ຂົ້ວເຄື່ອງໃນງົວໃສ່ໝາກເຟືອງສົ້ມ
11	Mì xào bò	ມີ່ ຊ່າວ ບໍ່	ຂົ້ວໝີ່ໃສ່ຊີ້ນງົວ
12	Nấm rơm xào thịt bò	ເໜິມ ເຢີມ ຊ່າວ ທິດ ບໍ່	ຂົ້ວເຫັດເຟືອງໃສ່ຊີ້ນງົວ
13	Bông bí xào tôm	ບົງ ບີ ຊ່າວ ໂຕມ	ຂົ້ວດອກໝາກອຶໃສ່ກຸ້ງ
14	Măng xào thịt bò	ມັງ ຊ່າວ ທິດ ບໍ່	ຂົ້ວໜໍ່ໄມ້ໃສ່ຊີ້ນງົວ
15	Ếch xào lá lốt, tía tô	ແອັກ ຊ່າວ ຫຼາ ລົດ, ເຕຍ ໂຕ	ຜັດກົບໃສ່ໃບອີເລີດ ແລະ ຫອມເຫືອດ
16	Mướp xào giá đỗ	ເໝືອ ຊ່າວ ຢາ ໂດ	ຂົ້ວໝາກບວບໃສ່ຖົ້ວງອກ	Gi ຈະອອກສຽງເປັນໂຕ ຢ ຖ້າທຽບໃສ່ສຳນຽງພາກໃຕ້

ໝາຍເຫດ: ຄຳທັບສັບ (ຄຳອ່ານ) ຈະບໍ່ຖືກຕ້ອງຕາມສຳນຽງພາສາຫວຽດ 100%

1.5 ຄຳສັບກ່ຽວກັບອາຫານປະເພດຕົ້ມເຄັມໃນພາສາຫວຽດ

ອາຫານປະເພດຮຸ່ມເອີ້ນອິກຊື່ໜື່ງວ່າຕົ້ມເຄັມແມ່ນປະເພດອາຫານທີ່ນິຍົມໃນຫວຽດນາມ, ໃນການປຸງອາຫານແມ່ນປຸງແຕ່ງດ້ວຍເຄື່ອງປຸງທີ່ເຂັ້ມຂຸ້ນໂດຍຜ່ານການຮຸ່ມ ຫຼື ຄ່ອຍໆໃຫ້ນ້ຳແຫ້ງ . ຂັ້ນຕອນການຮຸ່ມແມ່ນເອືອບວັດຖຸດິບ ເຊັ່ນ: ຊີ້ນ, ປາ, ກຸ້ງ, ຫຼື ຜັກ ດ້ວຍໃສ່ເຄື່ອງເທດເຊັ່ນ: ນໍ້າປາ, ນໍ້າຕານ, ຜັກທຽມ, ຜັກບົ່ວ, ແລະ ພິກໄທ. ການປຸ່ງແຕ່ງອາຫານດ້ວຍການຮຸ່ມມີສອງປະເພດຄື:

+ ການຮຸ່ມ ຫຼື ຕົ້ມເຄັມຈົນນ້ຳແຫ້ງ/ບົກ: ການຮຸ່ມຈົນກວ່ານ້ຳໃນໝໍ້ຈະແຫ້ງ ແລະ ດູດຊຶມເຂົ້າໃນວັດຖຸດິບເຮັດໃຫ້ມີລົດຊາດທີ່ເຂັ້ມຂຸ້ນ.

+ ການຮຸ່ມ ຫຼື ຕົ້ມເຄັມທີ່ມີນ້ຳຫຼາຍ: ແມ່ນການປຸງແຕ່ງດ້ວຍໃຫ້ມີນ້ຳຫຼາຍ ແລະ ມີລົດຊາດທີ່ເຂັ້ມຂຸ້ນ.

ອາຫານປະເພດຮຸ່ມ ຫຼື ຕົ້ມເຄັມຈະມີຢູ່ໃນແຕ່ລະຄາບອາຫານຂອງຄົນຫວຽດເນື່ອງຈາກມີລົດຊາດທີ່ເຂັ້ມຂຸ້ນ ແລະ ງ່າຍຕໍ່ການກິນກັບເຂົ້າ. ດັ່ງລຸ່ມນີ້ແມ່ນຄຳສັບກ່ຽວກັບອາຫານປະເພດຮຸ່ມ ຫຼື ຕົ້ມເຄັມໃນພາສາຫວຽດ.

ລ/ດ	ຄຳສັບພາສາຫວຽດ	ຄຳທັບສັບພາສາລາວ	ຄວາມໝາຍ	ໝາຍເຫດ
1	Cá ngừ kho tiêu	ກາ ງື່ ຄໍ ຕຽວ	ຕົ້ມເຄັມປາທູໃຫຍ່ໃສ່ພິກໄທ
2	Thịt kho	ທິດ ຄໍ	ຕົ້ມເຄັມຊີ້ນ
3	Gà kho trứng cút	ກ່າ ຄໍ ຈຶງ ກຸດ	ຕົ້ມເຄັມໄກ່ໃສ່ໄຂ່ນົກກະທາ
4	Sườn lợn kho dứa	ເຊື່ອນ ເລິນ ຄໍ ເຢືອ	ຕົ້ມເຄັມກະດູກຂ້າງໝູໃສ່ໝາກນັດ	D ຈະອອກສຽງເປັນໂຕ ຢ ຖ້າທຽບໃສ່ສຳນຽງພາກໃຕ້
5	Cá quả kho sả	ກາ ກວາ ຄໍ ສາ	ຕົ້ມເຄັມປາໂດໃສ່ຫົວສີໄຄ
6	Cá rô kho riềng	ກາ ໂຢ ຄໍ ຢ່ຽງ	ຕົ້ມເຄັມປາເຂັງໃສ່ຂ່າ
7	Vịt kho tiêu, sả, ớt	ວິດ ຄໍ ຕຽວ, ສາ, ເອີດ	ຕົ້ມເຄັມເປັດໃສ່ພິກໄຄ, ຫົວສີໄຄ ແລະ ໝາກເຜັດ
8	Cá thu kho gừng	ກາ ທູ ຄໍ ກຶ່ງ	ຕົ້ມເຄັມປາທູໃສ່ຂີງ

ໝາຍເຫດ: ຄຳອ່ານ (ຄຳທັບສັບ) ຈະບໍ່ຖືກຕ້ອງຕາມສຳນຽງພາສາຫວຽດ 100%

1.6 ຄຳສັບກ່ຽວກັບອາຫານປະເພດໜື້ງໃນພາສາຫວຽດ

ການປຸ່ງແຕ່ງອາຫານດ້ວຍວິທີ​ໜື້ງ​ແມ່ນ​ການປຸງແຕ່ງ​ທີ່​ໃຊ້​ອາຍ​ຮ້ອນ​ເພື່ອ​ປຸງ​ແຕ່ງ​ອາຫານ​ໂດຍ​ກົງ. ອາຫານປະເພດໜື້ງຈະຍັງຄົງຮັກສາໂພຊະນາການ, ຄວາມສົດ ແລະ ລົດຊາດຂອງຕົ້ນສະບັບອາຫານໄດ້ດີ. ດັ່ງລຸ່ມນີ້ແມ່ນຄຳສັບກ່ຽວກັບອາຫານປະເພດໜື້ງໃນພາສາຫວຽດ:

ລ/ດ	ຄຳສັບພາສາຫວຽດ	ຄຳທັບສັບພາສາລາວ	ຄວາມໝາຍ	ໝາຍເຫດ
1	Gà hấp muối	ກາ ເຫິບ ໝວຍ	ໜື້ງໄກ່ໃສ່ເກືອ
2	Tôm biển hấp sả	ໂຕມ ບຽນ ເຫິບ ສາ	ໜື້ງກຸ້ງໃສ່ຫົວສີໄຄ
3	Đậu bắp hấp xì dầu	ເດົ້າ ບັບ ເຫິບ ຊິ່ ເຢົ່າ	ໜື້ງດອກກະຈຽບໃສ່ສະອິວ	D ຈະອອກສຽງເປັນໂຕ ຢ ຖ້າທຽບໃສ່ສຳນຽງພາກໃຕ້
4	Chân gà hấp rau răm	ເຈິນ ກ່າ ເຫິບ ເຢົາ ຢຳ	ໜື້ງຕີນໄກ່ໃສ່ຜັກແພວ
5	Thịt lợn hấp gừng	ທິດ ເລິນ ເຫິບ ກຶ່ງ	ໜື້ງຊີ້ນໝູໃສ່ຂີງ
6	Ốc hấp sả	ອົກ ເຫິບ ສາ	ໜື້ງຫອຍໃສ່ຫົວສີໄຄ
7	Pa-tê gan ngỗng	ປາ-ເຕ ການ ຫງົງ	ປາເຕ້ຕັບຫານ
8	Nghêu hấp gừng	ເງວ ເຫິບ ກຶ່ງ	ໜື້ງຫອຍກີ້ໃສ່ຂີງ
9	Trứng hấp lá mơ	ຈື໊ງ ເຫິ້ບ ລ໊າ ເມີ	ໜື້ງໄຂ່ໃສ່ໃບເມີ
10	Bê hấp gừng	ເບ ເຫິບ ກຶ່ງ	ໜຶ້ງຊີ້ນງົວນ້ອຍໃສ່ຂີງ
11	Cá hồi hấp chanh	ກາ ໂຮ່ຍ ເຫິບ ແຈັງ	ໜື້ງປາແຊນມອນໝາກນາວ
12	Bề bề hấp sả	ເບ່ ເບ່ ເຫິບ ສາ	ໜື້ງກັ້ງໃສ່ຫົວສີໄຄ
13	Chân giò hấp bia	ເຈິນ ຢໍ່ ເຫິບ ເບຍ	ໜື້ງຂາໝູໃສ່ເບຍ	Gi ຈະອອກສຽງເປັນໂຕ ຢ ຖ້າທຽບໃສ່ສຳນຽງພາກໃຕ້
14	Cá chắm hấp bia	ກາ ຈຳ ເຫິບ ເບຍ	ໜື້ງປາໂຄດໃສ່ເບຍ
15	Mực hấp bia	ມຶກ ເຫິບ ເບຍ	ໜື້ງປາມຶກໃສ່ເບຍ

ໝາຍເຫດ: ຄຳອ່ານ (ຄຳທັບສັບ) ຈະບໍ່ຖືກຕ້ອງຕາມສຳນຽງພາສາຫວຽດ 100%

1.7 ຄຳສັບກ່ຽວກັບການອາຫານປະເພດປີ້ງ-ຢ້າງໃນພາສາຫວຽດ

ອາຫານປະເພດປີ້ງ ຫຼື ຢ້າງແມ່ນອາຫານທີ່ປຸງແຕ່ງໂດຍການປີ້ງອາຫານໃສ່ເຕົາໄຟ ຫຼື ໃນເຕົາອົບ. ການປີ້ງຈະ​​ຊ່ວຍ​ໃຫ້​ອາ​ຫານ​ສຸກ​ເທົ່າ​ກັນ​, ເຮັດໃຫ້​ດ້ານ​ນອກກອບ ແລະ​ ມີສີສັນ​ທີ່ໜ້າ​ດຶງ​ດູດ​​. ອາຫານປະເພດປີ້ງມັກຈະມີກິ່ນຫອມທີ່ເປັນເອກະລັກ ແລະ ມີລົດຊາດທີ່ແຊບ. ອາຫານປະເພດປີ້ງຢ້າງທີ່ນິຍົມມາມີ: ປີ້ງຊີ້ນ, ປີ້ງໄກ່, ອາຫານທະເລປີ້ງ, ແລະ ຜັກປີ້ງ. ອາຫານປະເພດປີ້ງຢ້າງແມ່ນເປັນທີ່ນິຍົມໃນງານລ້ຽງ ຫຼື ພົບປະສ້າງສັນໃນຄອບຄົວ ແລະ ໝູ່ເພື່ອນ. ດັ່ງລຸ່ມນີ້ແມ່ນຄຳສັບກ່ຽວກັບອາຫານປະເພດປີ້ງຢ້າງໃນພາສາຫວຽດ:

ລ/ດ	ຄຳສັບພາສາຫວຽດ	ຄຳທັບສັບພາສາລາວ	ຄວາມໝາຍ	ໝາຍເຫດ
1	Hàu nướng mỡ hành	ເຮົ່າ ເໜືອງ ເໝີ ແຮັ່ງ	ປີ້ງຫອຍນາງລົມໃສ່ໃບຜັກບົວ
2	Vịt nướng lu	ວິດ ເໜືອງ ລູ	ຢ້າງເປັດໃສ່ໃນໄຫ
3	Cá chim nướng giấy bạc	ກາ ຈິມ ເໜືອງ ເຢິຍ ບາກ	ປີ້ງປະກະພົງໃສ່ໃນເຈ້ຍຊືນ	Gi ຈະອອກສຽງເປັນໂຕ ຢ ຖ້າທຽບໃສ່ສຳນຽງພາກໃຕ້
4	Cà tím nướng phô mai	ກ່າ ຕິມ ເໜືອງ ໂຟ ມາຍ	ປີ້ງໝາກເຂືອໃສ່ເນີຍແຂງ(ຊິສ)
5	Cá quả nướng ống tre	ກາ ກວາ ເໜືອງ ອົງ ແຈ	ປີ້ງປາໂດໃສ່ໃນລຳໄມ້ໄຜ່
6	Tôm càng xanh nướng phô mai	ໂຕມ ກ່າງ ແຊັງ ເໜືອງ ໂຟ ມາຍ	ປີ້ງກຸ້ງກ້າມໃຫຍ່ໃສ່ເນີຍແຂງ(ຊິສ)
7	Xúc xích nướng	ສຸກ ສິກ ເໜືອງ	ປີ້ງໄສ້ກອກ
8	Cá trê nướng	ກາ ເຈ ເໜືອງ	ປີ້ງປາດຸກ
9	Măng tây nướng tỏi	ມັງ ເຕິຍ ເໜືອງ ຕອຍ	ປີ້ງໜໍ່ໄມ້ຝະລັ່ງໃສ່ກະທຽມ
10	ếch nướng mật ong	ແອັກ ເໜືອງ ເມິດ ອອງ	ປີ້ງກົບໃສ່ນ້ຳເຜິ້ງ
11	Đùi gà nướng bơ tỏi	ດຸ່ຍ ກ່າ ເໜືອງ ເບີ ຕອຍ	ປີ້ງຂາໄກ່ໃສ່ເນີຍກະທຽມ
12	Thịt xiên nướng	ທິດ ຊຽນ ເໜືອງ	ປີ້ງຊີ້ນສຽບໄມ້(ປີ້ງຊີ້ນ)
13	Mực nướng	ມຶກ ເໜືອງ	ປີ້ງປາມຶກ
14	Cá rô nướng	ກາ ໂຢ ເໜືອງ	ປີ້ງປາເຂັງ
15	Gà nướng	ກາ ເໜືອງ	ປີ້ງໄກ່
16	Nem nướng	ແນມ ເໜືອງ	ປີ້ງແນມ
17	Vú dê nướng	ວູ ເຢ ເໜືອງ	ປີ້ງນົມແບ້	D ຈະອອກສຽງເປັນໂຕ ຢ ຖ້າທຽບໃສ່ສຳນຽງພາກໃຕ້
18	Vú heo nướng	ວູ ແຮວ ເໜືອງ	ປີ້ງນົມໝູ
19	Tôm nướng	ໂຕມ ເໜືອງ	ປີ້ງກຸ້ງ
20	Lợn quay	ເລິນ ກວາຍ	ໝູປິ່ນ
21	Trâu nướng lá lốt	ເຈົາ ເໜືອງ ຫຼາ ໂຫຼດ	ປີ້ງຊີ້ນໃສ່ໃບອີ່ເລີດ

ໝາຍເຫດ: ຄຳອ່ານ (ຄຳທັບສັບ) ຈະບໍ່ຖືກຕ້ອງຕາມສຳນຽງພາສາຫວຽດ 100%

1.8 ຄຳສັບກ່ຽວກັບອາຫານປະເພດສຸກີ້ໃນພາສາຫວຽດ

ຄືທີ່ພວກເຮົາຮູ້, ການເຮັດອາຫານປະເພດນີ້, ເຮົາມັກຈະເອົາໝໍ້ຕົ້ມນ້ຳຄ້າງໃສ່ເຕົາ, ຫຼັງຈາກນ້ຳເດືອດໃຜຢາກກິນຫຍັງກໍ່ຈຸ່ມລົງ, ວັດຖຸດິບຈະປະກອບມີ: ຊີ້ນ, ປາ, ອາຫານທະເລ, ຜັກ ແລະ ເຫັດລົງໃສ່ໝໍ້ແລ້ວຖ້າມັນສຸກ. ນ້ຳຊຸບຂອງສຸກີ້ສາມາດເຮັດຈາກສ່ວນປະກອບທີ່ແຕກຕ່າງກັນ, ເຮັດໃຫ້ລົດຊາດກົມກ່ອມ ແລະ ມີລົດຊາດທີ່ຫຼາກຫຼາຍ. ຄົນຫວຽດກໍ່ມັກກິນສຸກີ້ໝໍ້ຮ້ອນຄືກັບຄົນລາວ, ໂດຍສະເພາະຕອນອາກາດເຢັນ. ດັ່ງລຸ່ມນີ້ແມ່ນຄຳສັບກ່ຽວກັບອາຫານປະເພດສຸກີ້ໃນພາສາຫວຽດ:

ລ/ດ	ຄຳສັບພາສາຫວຽດ	ຄຳທັບສັບພາສາລາວ	ຄວາມໝາຍ	ໝາຍເຫດ
1	Lẩu gà chanh ớt	ເຫຼົາ ກ່າ ແຈັງ ເອິດ	ສຸກີ້ໄກ່ໃສ່ໝາກນາວ ແລະ ໝາກເຜັດ
2	Lẩu ếch chuối đậu	ເຫຼົາ ແອັກ ຈວຍ ເດົ້າ	ສຸກີ້ກົບໃສ່ໝາກປີ ແລະ ເຕົ້າຮູ້
3	Lẩu hải sản	ເຫຼົາ ຫາຍ ສາ	ສຸກີ້ທະເລ
4	Lẩu bạch tuộc chua cay	ເຫຼົາ ແບັກ ຕວັກ ຈົວ ໄກ	ສຸກີ້ປາມຶກຍັກສົ້ມເຜັດ
5	Lẩu bò	ເຫຼົາ ບໍ່	ສຸກີ້ງົວ
6	Lẩu cá lăng	ເຫຼົາ ກາ ລັງ	ສຸກີ້ປາກົດ
7	Lẩu lòng bò	ເຫຼົາ ລ່ອງ ບໍ່	ສຸກີ້ເຄື່ອງໃນງົວ
8	Lẩu nướng	ເຫຼົາ ເໜືອງ	ສຸກີ້ປີ້ງຢ້າງ
9	Lẩu vịt	ເຫຼົາ ວິດ	ສຸກີ້ເປັດ
10	Lẩu mực	ເຫຼົາ ມຶກ	ສຸກີ້ປາມຶກ
11	Lẩu cua	ເຫຼົາ ກົວ	ສຸກີ້ກະປູ
12	Lẩu cháo	ເຫຼົາ ຈາວ	ສຸກີ້ເຂົ້າປຽກ

ໝາຍເຫດ: ຄຳອ່ານ (ຄຳທັບສັບ) ຈະບໍ່ຖືກຕ້ອງຕາມສຳນຽງພາສາຫວຽດ 100%

1.9 ຄຳສັບກ່ຽວກັບອາຫານປະເພດກ້ອຍ (ຍຳ) ແລະ ສາຫຼັດ

ອາຫານປະເພດກ້ອຍ ຫຼື ຍຳແມ່ນມີວິທີປຸງໂດຍການຄົນໃຫ້ເຂົ້າກັນ ອາຫານແຕ່ລະຊະນິດມີລົດຊາດທີ່ແຕກຕ່າງກັນໄປ:
ອາຫານປະເພດກ້ອຍ ຫຼື ຍຳແມ່ນອາຫານພື້ນເມືອງຂອງຫວຽດນາມ. ອາຫານປະເພດນີ້ໄດ້ປຸ່ງແຕ່ງໂດຍການປະສົມສ່ວນປະສົມເຂົ້າກັນເຊັ່ນ: ໝາກຫຸ່ງຊອຍເປັນເສັ້ນ, ຊີ້ນ, ກຸ້ງ ຫຼື ປາ, ແລ້ວຄົນໃສ່ກັບນ້ຳປາປົນກັບໝາກເຜັດ, ນ້ຳໝາກນາວ ເພື່ອເຮັດໃຫ້ລົດຊາດມີຄວາມຫວານ ແລະ ສົ້ມ. ອາຫານປະເພດກ້ອຍ ຫຼື ຍຳມັກກິນກັບເຂົ້າຂຽບກຸ້ງ ຫຼື ແຜ່ນຢໍ່.

ອາຫານປະເພດສະຫຼັດແມ່ນມີອິດທິຜົນມາຈາກເອີຣົບ ແລະ ໄດ້ກາຍເປັນອາຫານທີ່ນິຍົມກັນທົ່ວໂລກ. ສ່ວນປະກອບຂອງສະຫຼັດປົກກະຕິແລ້ວປະກອບມີ ຜັກສະຫຼັດ, ໝາກໄມ້, ຜັກ, ຊີ້ນ ຫຼື ອາຫານທະເລມາປະສົມກັບຊອດເຊັ່ນ: ນ້ຳສົ້ມສາຍຊູ ແລະ mayonnaise. ສະຫຼັດແມ່ນມັກຈະຈັດເປັນອາຫານວ່າງ ຫຼື ອາຫານຫຼັກໃນທາງຕາເວັນຕົກ. ດັ່ງລຸ່ມນີ້ແມ່ນຄຳສັບກ່ຽວກັບອາຫານປະເພດກ້ອຍ (ຍຳ) ແລະ ສະຫຼັດ ໃນພາສາຫວຽດ:

ລ/ດ	ຄຳສັບພາສາຫວຽດ	ຄຳທັບສັບພາສາລາວ	ຄວາມໝາຍ	ໝາຍເຫດ
1	Gỏi gà xé phay	ກອຍ ກ່າ ແສ ໄຟ	ຍຳໄກ່ຈີກ
2	Nộm đu đủ Lào/Thái	ໂນ້ມ ດູ ດູ່ ລ່າວ/ທາຍ	ຕຳໝາກຫຸ່ງລາວ/ໄທ
3	Gỏi mướp đắng tôm, thịt	ກອຍ ເໝືອບ ດັງ ໂຕມ, ທິດ	ຍຳໝາກໄສໃສ່ກຸ້ງ, ຊີ້ນ
4	Nộm sứa hoa chuối	ໂນ້ມ ເສືອ ຮວາ ຈວຍ	ຍຳແມງກະພຸນໃສ່ໝາກປີ
5	Gỏi chân gà rút xương	ກອຍ ເຈິນ ກ່າ ຢູດ ເຊືອງ	ຍຳຕີນໄກ່ບໍ່ມີກະດູກ
6	Gỏi củ hũ dừa hải sản	ກອຍ ກູ ຫູ ເຢື່ອ ຫາຍ ສານ	ຍຳຍອດໝາກພ້າວໃສ່ເຄື່ອງທະເລ	D ຈະອອກສຽງເປັນໂຕ ຢ ຖ້າທຽບໃສ່ສຳນຽງພາກໃຕ້
7	Gỏi bắp chuối thịt heo	ກອຍ ບັບ ຈວຍ ທິດ ແຮວ	ຍຳໝາກປີໃສ່ຊີ້ນໝູ
8	Nộm bò tài chanh	ໂນ້ມ ບໍ່ ຕ່າຍ ແຈັງ	ຍຳຊີ້ນງົວສຸກດິບ
9	Nộm gà đu đủ	ໂນ້ມ ກ່າ ດູ ດູ່	ຍຳໄກ່ໃສ່ໝາກຫຸ່ງ
10	Nộm rau muống	ໂນ້ມ ເຢົາ ໝວງ	ຍຳຜັກບົ້ງ
11	Salad đậu Hà Lan	ຊາລາດ ເດົ້າ ຮ່າ ລານ	ສາຫຼັດຖົ່ວລັນເຕົາ
12	Salad nui trộn	ຊາລາດ ນຸຍ ໂຈ້ນ	ສາຫຼັດພາສຕາລວມ
13	Salad xà lách trộn chay	ຊາລາດ ຊ່າ ແລັກ ໂຈ້ນ ໄຈ	ສາຫຼັດເຈຜັກສາຫຼັດ
14	Salad táo tươi	ຊາລາດ ຕາວ ເຕືອຍ	ສາຫຼັດໝາກແອັບເປີ້ນສົດ
15	Salad dưa chuột, cà chua, sốt mayonnaise	ຊາລາດ ເຢືອ ຈວດ, ກ່າ ຈົວ, ສົດ ມາຍອງເນດ	ສາຫຼັດໝາກແຕງ, ໝາກເລັ່ນ, ຊອສມາຍອງເນດ	D ຈະອອກສຽງເປັນໂຕ ຢ ຖ້າທຽບໃສ່ສຳນຽງພາກໃຕ້

ໝາຍເຫດ: ຄຳອ່ານ (ຄຳທັບສັບ) ຈະບໍ່ຖືກຕ້ອງຕາມສຳນຽງພາສາຫວຽດ 100%

1.10 ຄຳສັບກ່ຽວກັບອາຫານປະເພດເປັນເສັ້ນໃນພາສາຫວຽດ

ອາຫານປະເພດເຝີ ຫຼື ເຂົ້າປຸ້ນແມ່ນອາຫານທີ່ມີນ້ຳຊຸບເປັນສ່ວນປະກອບຫຼັກ, ມັກຈະປຸງນ້ຳຊຸບດ້ວຍກະດູກ, ຊີ້ນ ຫຼື ຜັກເພື່ອເຮັດໃຫ້ລົດຊາດມີຄວາມເຂັ້ມຂຸ້ນ ແລະ ເພີ່ມສານອາຫານໃຫ້ຄົບ. ຢູ່​ຫວຽດ​ນາມມີອາ​ຫານປະເພດທີ່ມີນ້ຳຫຼາກຫຼາຍ​ ແລະ ຄົນ​ຫວຽດ​ມັກ​ກິນ​ອາ​ຫານ​ເຫຼົ່າ​ນີ້​ໃນ​ແຕ່​ລະ​ເຊົ້າ, ພິ​ເສດ​ແມ່ນເຝີ. ຖ້າ​ຫາກ​ທ່ານ​ໄດ້​ມີ​ໂອ​ກາດ​ໄປ​ຮຽນ​ ​ຫຼື​ ​ໄປທ່ອງທ່ຽວ​ຫວຽດ​ນາມ​, ທ່ານ​ຄວນ​ລອງຊິມ​ອາ​ຫານ​ເຫຼົ່ານີ້. ດັ່ງລຸ່ມນີ້ແມ່ນຄຳສັບກ່ຽວກັບອາຫານປະເພດທີ່ມີນ້ຳໃນພາສາຫວຽດ:

ລ/ດ	ຄຳສັບພາສາຫວຽດ	ຄຳທັບສັບພາສາລາວ	ຄວາມໝາຍ	ໝາຍເຫດ
1	Phở bò	ເຝີ ບໍ່	ເຝີງົວ
2	Phở bò tái	ເຝີ ບໍ່ ຕາຍ	ເຝີຊີ້ນງົວສຸກດິບ
3	Phở gà	ເຝີ ກ່າ	ເຝີໄກ່
4	Bún bò Huế	ບູນ ບໍ່ ເຫວ້	ເຂົ້າປູ້ນຊີ້ນງົວເຫວ້
5	Bún gà	ບູນ ກ່າ	ເຂົ້າປູ້ນໄກ່
6	Bún cá	ບູນ ກາ	ເຂົ້າປູ້ນປາ
7	Bún ốc	ບູນ ອົກ	ເຂົ້າປູ້ນຫອຍ
8	Bún chả	ບູນ ຈາ	ເຂົ້າປູ້ນລູກຊີ້ນ (ເຂົ້າປູ້ນຈ່າ)
9	Bún riêu cua	ບູນ ຢຽວ ຈົວ	ເຂົ້າປູ້ນແກງສົ້ມກະປູ
10	Bún mọc	ບູນ ມອກ	ເຂົ້າປູ້ນລູກຊີ້ນ
11	Bún măng giò heo	ບູນ ມັງ ຢໍ່ ແຮ່ວ	ເຂົ້າປູ້ນໜໍ່ໄມ້,ຢໍ່ໝູ	Gi ຈະອອກສຽງເປັນໂຕ ຢ ຖ້າທຽບໃສ່ສຳນຽງພາກໃຕ້
12	Bún vịt	ບູນ ວິດ	ເຂົ້າປູ້ນເປັດ
13	Bún sườn bò	ບູນ ເຊື່ອນ ບໍ່	ເຂົ້າປູ້ນກະດູກງົວ
14	Bún hải sản	ບູນ ຫາຍ ສານ	ເຂົ້າປູ້ນທະເລ
15	Hủ tiếu	ຫູ ຕຽວ	ເຝີ

ໝາຍເຫດ: ຄຳອ່ານ (ຄຳທັບສັບ) ຈະບໍ່ຖືກຕ້ອງຕາມສຳນຽງພາສາຫວຽດ 100%

1.11 ຄຳສັບກ່ຽວກັບເຂົ້າປຽກໃນພາສາຫວຽດ

ເຂົ້າປຽກແມ່ນອາຫານປະເພດໜຶ່ງທີ່ມັກເຮັດຈາກເຂົ້າ ຫຼື ເມັດທັນຍາພືດອື່ນໆ, ປະສົມກັບນ້ຳ ແລະ ສ່ວນປະກອບອື່ນໆເຊັ່ນ: ຊີ້ນ, ປາ, ຜັກ ແລະ ຫົວຜັກ. ເຂົ້າປຽກສາມາດປຸງແຕ່ງໃຫ້ແຫຼວ ຫຼື ຂຸ້ນຂື້ນກັບຄວາມມັກ ແລະ ວິທີການປຸງແຕ່ງຂອງແຕ່ລະຄົນ. ເຂົ້າປຽກ​ແມ່ນ​​ອາ​ຫານ​ທີ່​ໄດ້​ຮັບ​ຄວາມ​ນິຍົມ​ຫຼາຍໃນ​ທະວີບ​ອາຊີ, ເປັນຕົ້ນ​ແມ່ນ​ຫວຽດນາມ. ເຂົ້າປຽກມັກຈະເປັນອາຫານເຊົ້າ, ອາຫານວ່າງ ຫຼື ໃນເວລາທີ່ຄົນເຈັບຕ້ອງການອາຫານທີ່ຍ່ອຍງ່າຍ. ດັ່ງລຸ່ມນີ້ແມ່ນຄຳສັບບາງຄຳສັບກ່ຽວກັບເຂົ້າປຽກໃນພາສາຫວຽດ:

ລ/ດ	ຄຳສັບພາສາຫວຽດ	ຄຳທັບສັບພາສາລາວ	ຄວາມໝາຍ	ໝາຍເຫດ
1	Cháo gà tía tô	ຈາວ ກ່າ ເຕຍ ໂຕ	ເຂົ້າປຽກໄກ່ໃສ່ໃບສີອິດ(ຫອມເຫືອດ)
2	Cháo lưỡi lợn	ຈາວ ເຫຼືອຍ ເລິນ	ເຂົ້າປຽກລີ້ນໝູ
3	Cháo tim bò	ຈາວ ຕິມ ບໍ່	ເຂົ້າປຽກຫົວໃຈງົວ
4	Cháo củ cải trắng	ຈາວ ກູ ກາຍ ຈັງ	ເຂົ້າປຽກຫົວຜັກກາດຂາວ
5	Cháo lươn	ຈາວ ເລືອນ	ເຂົ້າປຽກອ່ຽນ
6	Cháo gan lợn	ຈາວ ການ ເລິນ	ເຂົ້າປຽກຕັບໝູ
7	Cháo cá	ຈາວ ກາ	ເຂົ້າປຽກປາ
8	Cháo thịt bò hạt sen	ຈາວ ທິດ ບໍ່ ຫາດ ແຊນ	ເຂົ້າປຽກຊີ້ນງົວໃສ່ເມັດໝາກບົວ
9	Cháo cua bí đỏ	ຈາວ ກົວ ບີ ດໍ	ເຂົ້າປຽກປູໃສ່ໝາກອຶ
10	Cháo chân giò cà rốt	ຈາວ ເຈິນ ຢໍ່ ກ່າ ໂຢດ	ເຂົ້າປຽກຂາໝູໃສ່ກາຣົດ	Gi ຈະອອກສຽງເປັນໂຕ ຢ ຖ້າທຽບໃສ່ສຳນຽງພາກໃຕ້
11	Cháo tôm khoai lang	ຈາວ ໂຕມ ຄວາຍ ລາງ	ເຂົ້າປຽກກຸ້ງໃສ່ມັນດ້າງ
12	Cháo chim bồ câu	ຈາວ ຈິມ ໂບ່ ເກົາ	ເຂົ້າປຽກນົກກາງແກ
13	Cháo thịt băm tía tô	ຈາວ ທິດ ບຳ ເຕຍ ໂຕ	ເຂົ້າປຽກຊີ້ນບົດໃສ່ໃບສີອິດ(ຫອມເຫືອດ)
14	Cháo lòng	ຈາວ ລ່ອງ	ເຂົ້າປຽກເຄື່ອງໃນ
15	Cháo chim cút	ຈາວ ຈິມ ກູດ	ເຂົ້າປຽກນົກກະທາ
16	Cháo hành	ຈາວ ແຮັ່ງ	ເຂົ້າປຽກໃບຜັກບົວ
17	Cháo sườn sụn	ຈາວ ເຊື່ອນ ຊຸນ	ເຂົ້າປຽກກະດູກອ່ອນ
18	Cháo vịt	ຈາວ ວິດ	ເຂົ້າປຽກເປັດ
19	Cháo dê đậu xanh	ຈາວ ເຢ ເດົ້າ ແຊັງ	ເຂົ້າປຽກແບ້ໃສ່ຖົ່ວຂຽວ	D ຈະອອກສຽງເປັນໂຕ ຢ ຖ້າທຽບໃສ່ສຳນຽງພາກໃຕ້
20	Cháo ếch	ຈາວ ແອັກ	ເຂົ້າປຽກກົບ

ໝາຍເຫດ: ຄຳອ່ານ (ຄຳທັບສັບ) ຈະບໍ່ຖືກຕ້ອງຕາມສຳນຽງພາສາຫວຽດ 100%

1.12 ຄຳສັບກ່ຽວກັບອາຫານກິນຫຼິ້ນ ຫຼື ອາຫານວ່າງໃນພາສາຫວຽດ

ອາຫານວ່າງແມ່ນອາຫານເບົາໆ, ມັກຈະກິນລະຫວ່າງຖ້າອາຫານຫຼັກເພື່ອເສີມພະລັງງານ ຫຼື ພຽງແຕ່ກິນເພື່ອຄວາມເພີດເພີນ. ອາຫານເຫຼົ່ານີ້ມັກຈະມີລົດຊາດທີ່ໜ້າດຶງດູດ, ກິນງ່າຍ ແລະ ບໍ່ເຮັດໃຫ້ເກີດຄວາມເບື່ອໜ່າຍ. ອາຫານວ່າງເປັນທີ່ນິຍົມຍ້ອນມີຫຼາກຫຼາຍ ແລະ ສະດວກສະບາຍຕໍ່ການກິນ. ດັ່ງລຸ່ມນີ້ແມ່ນຄຳສັບບາງຄຳສັບກ່ຽວກັບອາຫານກິນຫຼິ້ນ ຫຼື ອາຫານວ່າງໃນພາສາຫວຽດ:

ລ/ດ	ຄຳສັບພາສາຫວຽດ	ຄຳທັບສັບພາສາລາວ	ຄວາມໝາຍ	ໝາຍເຫດ
1	Bánh tráng trộn	ແັບງ ຈາງ ໂຈ້ນ	ຍຳເຂົ້າຂຽບ
2	Bắp xào tép	ບັບ ຊ່າວ ແຕບ	ສາລີຂົ້ວກຸ້ງນ້ອຍ
3	Chân gà ngâm sả tắc	ເຈິນ ກ່າ ເງິມ ສາ ຕັກ	ຕີນໄກ່ດອງຫົວສີໄຄ
4	Bánh chuối chiên	ແບັງ ຈວຍ ຈຽນ	ເຂົ້າໝົມກ້ວຍທອດ
5	Cá viên chiên	ກາ ວຽນ ຈຽນ	ທອດລູກຊີ້ນປາ
6	Da heo chiên mắm	ຢາ ແຮວ ຈຽນ ມຳ	ໜັງໝູທອດນ້ຳປາ	D ຈະອອກສຽງເປັນໂຕ ຢ ຖ້າທຽບໃສ່ສຳນຽງພາກໃຕ້
7	Rong biển cháy tỏi	ຢອງ ບຽນ ໄຈ ຕອຍ	ສາລ່າຍທອດກະທຽມ
8	Bánh tráng nướng	ແບັງ ຈາງ ເໜືອງ	ເຂົ້າຂຽບປີ້ງ
9	Bánh mỳ nướng muối ớt	ແບັງ ມີ່ ເໜືອງ ເອີດ	ປີ້ງເຂົ້າຈີ່ໃສ່ເກືອໝາກເຜັດ
10	Bánh cay	ແບັງ ໄກ	ເຂົ້າໝົມຜັດ
11	Nộm bò khô	ໂນ້ມ ບໍ່ ໂຄ	ຍຳຊີ້ນງົວແຫ້ງ
12	Sụn gà rang muối	ຊຸນ ກ່າ ຢາງ ມວຍ	ກະດູກອ່ອນໄກ່ຂົ້ວເກືອ
13	Xoài lắc	ຊວ່າຍ ຫຼັກ	ໝາກມ່ວງຂະເຍົ່າ
14	Bánh tôm	ແບັງ ໂຕມ	ກຸ້ງຊູບແປ້ງທອດ
15	Mực rim me	ມຶກ ຢິມ ແມ	ມຶກອ່ອມນ້ຳໝາກຂາມ
16	Khoai lang que	ຄວາຍ ລາງ ແກ	ມັນດ້າງທອດ
17	Chuối nướng	ຈວຍ ເໜືອງ	ກ້ວຍປີ້ງ
18	Trứng vịt lộn	ຈຶງ ວິດ ໂລ້ນ	ໄຂ່ລູກເປັດ(ໄຂ່ລູກ)
19	Trứng cút lộn	ຈຶງ ກູດ ໂລ້ນ	ໄຂ່ລູກນົກກະທາ(ໄຂ່ລູກ)
20	Phở cuốn	ເຝີ ກວນ	ເຝີມ້ວນ

ໝາຍເຫດ: ຄຳອ່ານ (ຄຳທັບສັບ) ຈະບໍ່ຖືກຕ້ອງຕາມສຳນຽງພາສາຫວຽດ 100%

2. ຄຳສັບກ່ຽວກັບເຄື່ອງດື່ມໃນພາສາຫວຽດ

ເຄື່ອງດື່ມແມ່ນຂອງແຫຼວທີ່ຄົນເຮົາບໍລິໂພກເພື່ອດັບຄວາມກະຫາຍ ແລະ ສະໜອງໂພຊະນາການ. ເຄື່ອງດື່ມມີບົດບາດສໍາຄັນໃນວັດທະນະທໍາ ແລະ ຊີວິດປະຈໍາວັນຂອງຄົນເຮົາ, ດັ່ງລຸ່ມນີ້ແມ່ນຄຳສັບບາງຄຳສັບກ່ຽວກັບເຄື່ອງດື່ມໃນພາສາຫວຽດ:

ລ/ດ	ຄຳສັບພາສາຫວຽດ	ຄຳທັບສັບພາສາລາວ	ຄວາມໝາຍ	ໝາຍເຫດ
1	Nước lọc	ເໜືອກ ລອກ	ນ້ຳ
2	Rượu	ຢ້ຽວ	ເຫຼົ້າ
3	Rượu vang	ຢ້ຽວ ວາງ	ເຫຼົ້າອະງຸ່ນ
4	Rượu thuốc	ຢ້ຽວ ຖວກ	ເຫຼົ້າບອງຢາ
5	Bia	ເບຍ	ເບຍ
6	Bia hơi	ເບຍ ເຮີຍ	ເບຍສົດ
7	Bia lon	ເບຍ ລອນ	ເບຍປ໋ອງ
8	Bia chai	ເບຍ ຈາຍ	ເບຍແກ້ວ
9	Sữa dưa lưới	ເສືອ ເຢືອ ເຫຼືອຍ	ນ້ຳນົມໝາກແຕງເມລ່ອນ	D ຈະອອກສຽງເປັນໂຕ ຢ ຖ້າທຽບໃສ່ສຳນຽງພາກໃຕ້
10	Trà hồng đào	ຈ່າ ຮົ່ງ ດ່າວ	ຊາດອກກຸຫຼາບ
11	Trà chanh	ຈ່າ ແຈັງ	ຊາໝາກນາວ
12	Trà nhãn hạt chia	ຈ່າ ຫຍານ ຫາດ ເຈຍ	ຊາໝາກລຳໄຍໃສ່ເມັດເຈຍ
13	Trà đào	ຈ່າ ດ່າວ	ຊາໝາກຄາຍ
14	Trà sữa gạo rang	ຈ່າ ເສືອ ກ້າວ ຢາງ	ຊານົມເຂົ້າຂົ້ວ
15	Trà ổi	ຈ່າ ໂອຍ	ຊາໝາກສີດາ
16	Trà dưa hấu	ຈ່າ ເຢືອ ເຫົາ	ຊາໝາກໂມ	D ຈະອອກສຽງເປັນໂຕ ຢ ຖ້າທຽບໃສ່ສຳນຽງພາກໃຕ້
17	Trà bí đao	ຈ່າ ບີ ດາວ	ຊາໝາກໂຕ່ນ
18	Trà cam mật ong	ຈ່າ ກາມ ເມິດ ອອງ	ຊາໝາກກ້ຽງນ້ຳເຜີ້ງ
19	Trà tắc nha đam	ຈ່າ ຕັກ ຍາ ດາມ	ຊາໝາກກ້ຽງນ້ອຍ
20	Trà gạo lứt	ຈ່າ ກ້າວ ຫຼືດ	ຊາເຂົ້າກ້ອງ
21	Trà hạt lựu	ຈ່າ ຫາດ ລືວ	ຊາໝາກພິລາ
22	Trà mận	ຈ່າ ເມິນ	ຊາໝາກໝັ້ນ
23	Trà bưởi mật ong	ຈ່າ ເບືອຍ ເມິດ ອອງ	ຊາໝາກພຸກນ້ຳເຜີ້ງ
24	Cocktail	ຄອກເທວ	ຄອກເທວ
25	Cà phê	ກ່າ ເຟ	ກາເຟ
26	Bạc xỉu	ບາກ ສິວ	ກາເຟບາກສິວ
27	Nước ép trái cây	ເໜືອກ ແອບ ຈາຍ ເກິຍ	ນ້ຳໝາກໄມ້
28	Nước ép cà chua	ເໜືອກ ແອບ ກ່າ ຈົວ	ນ້ຳໝາກເລັ່ນ
29	Nước ép dưa hấu	ເໜືອກ ແອບ ເຢືອ ເຫົາ	ນ້ຳປັ່ນໝາກໂມ	D ຈະອອກສຽງເປັນໂຕ ຢ ຖ້າທຽບໃສ່ສຳນຽງພາກໃຕ້
30	Nước ép bưởi	ເໜືອກ ແອບ ເບືອຍ	ນ້ຳໝາກພຸກ
31	Nước ép dâu tây	ເໜືອກ ແອບ ເຢົາ ເຕິຍ	ນ້ຳສະຕໍເບີລີ	D ຈະອອກສຽງເປັນໂຕ ຢ ຖ້າທຽບໃສ່ສຳນຽງພາກໃຕ້
32	Nước ép dứa	ເໜືອກ ແອບ ເຢືອ	ນ້ຳໝາກນັດ	D ຈະອອກສຽງເປັນໂຕ ຢ ຖ້າທຽບໃສ່ສຳນຽງພາກໃຕ້
33	Nước ép khế	ເໜືອກ ແອບ ເຂ	ນ້ຳໝາກເຟືອງ
34	Nước ép rau ngót	ເໜືອກ ແອບ ເຢົາ ຫງອດ	ນ້ຳຜັກຫວານບ້ານ
35	Nước ép kiwi	ເນືອກ ແອບ ກິວິ	ນ້ຳໝາກກີວີ
36	Nước ép súp lơ xanh	ເໜືອກ ແອບ ສູບ ເລີ ແຊັງ	ນ້ຳບ໋ອກຄໍລີ
37	Nước ép cam cà rốt	ເໜືອກ ແອບ ກາມ ກ່າ ໂຣດ	ນ້ຳໝາກກ້ຽງກາຣົດ
38	Nước ép nho	ເໜືອກ ແອບ ຍໍ	ນ້ຳໝາກລຳໄລ
39	Nước ép dưa chuột	ເໜືອກ ແອບ ເຢືອ ຈວດ	ນ້ຳໝາກແຕງ	D ຈະອອກສຽງເປັນໂຕ ຢ ຖ້າທຽບໃສ່ສຳນຽງພາກໃຕ້
40	Sinh tố bơ	ຊິງ ໂຕ ເບີ	ນ້ຳປັ່ນໝາກອາໂວກາໂດ
41	Sinh tố mãng cầu	ຊິງ ໂຕ ໝາງ ເກົ່າ	ນ້ຳປັ່ນໝາກຂຽບຝຣັ່ງ
42	Sinh tố hồng xiêm	ຊິງ ໂຕ ຮົ່ງ ຊຽມ	ນ້ຳປັ່ນໝາກລະມຸດ
43	Nước ngọt	ເໜືອກ ງອດ	ນ້ຳຫວານ
44	Nước tăng lực	ເໜືອກ ຕັງ ລຶກ	ນ້ຳຊູກຳລັງ

ໝາຍເຫດ: ຄຳອ່ານ (ຄຳທັບສັບ) ຈະບໍ່ຖືກຕ້ອງຕາມສຳນຽງພາສາຫວຽດ 100%

3. ຕົວຢ່າງປະໂຫຍກກ່ຽວກັບອາຫານໃນພາສາຫວຽດ

ນີ້ແມ່ນ 10 ປະໂຫຍກຕົວຢ່າງກ່ຽວກັບອາຫານທີ່ທ່ານສາມາດນຳໃຊ້ໃນບາງສະຖານະການເພື່ອສື່ສານກັບຄົນຫວຽດ:

ລ/ດ	ປະໂຫຍກ	ຄວາມໝາຍ	ໝາຍເຫດ
1	Bạn gọi món gì rồi?	ເຈົ້າສັ່ງອາຫານແລ້ວບໍ?
2	Tôi gọi một suất cơm rang và hai quả trứng ốp.	ຂ້ອຍສັ່ງເຂົ້າຜັດຈານໜື່ງ ແລະ ໄຂ່ດາວສອງໜ່ວຍແລ້ວ.
3	Bạn không gọi đồ uống à?	ເຈົ້າບໍ່ສັ່ງຫຍັງມາກິນບໍ?
4	Cho tôi một ly sinh tố bơ.	ເອົານ້ຳປັ່ນໝາກອາໂວກາໂດໃຫ້ຂ້ອຍແນ່ຈອກໜື່ງ?
5	Tôi đang giảm béo nên không ăn đồ ngọt.	ຂ້ອຍກຳລັງຫຼຸດນ້ຳໜັກສະນັ້ນຂ້ອຍບໍ່ກິນຂອງຫວານ	Gi ຈະອອກສຽງເປັນໂຕ ຢ ຖ້າທຽບໃສ່ສຳນຽງພາກໃຕ້
6	Tối nay liên hoan, chúng ta sẽ ăn những món gì?	ມື້ແລງມີງານລ້ຽງ, ພວກເຮົາຈະກິນຫຍັງດີ?
7	Chúng ta sẽ ăn lẩu hải sản.	ພວກເຮົາຈະກິນສູກີ້ທະເລ
8	Tôi bị dị ứng, không ăn được hải sản.	ຂ້ອຍເປັນພູມແພ້, ຂ້ອຍກິນອາຫານທະເລບໍ່ໄດ້.	D ຈະອອກສຽງເປັນໂຕ ຢ ຖ້າທຽບໃສ່ສຳນຽງພາກໃຕ້
9	Vậy chúng ta ăn lẩu gà nhé.	ຄັນຊັ້ນພວກເຮົາກິນສຸກີ້ໄກ່ເດີ
10	Được đấy! Tôi sẽ mua bia. Có ai uống rượu không?	ໄດ້! ຂ້ອຍຈະຊື້ເບຍ. ມີໃຜຊິກິນເຫຼົ້າບໍ?
11	Không. Bạn nhớ mua pepsi cho mấy bạn nữ. Họ không uống được bia.	ບໍ່. ຂ້ອຍຫາເຈົ້າຊື້ແປັບຊີໃຫ້ໝູ່ຜູ້ຍິງແນ່. ພວກເຂົາກິນເບຍບໍ່ໄດ້.
12	Sáng nay tao ăn được mỗi bát phở, đói quá!	ມື້ເຊົ້ານີ້ກູກິນເຝີເບິດຖ້ວຍໜື່ງລະ, ແຕ່ຍັງຢາກອິກ!
13	Tao còn bánh mỳ này, mày ăn không?	ກູມີເຂົ້າຈີ່, ມຶງກິນບໍ?
14	Thôi, mày ăn đi. Nữa tao xuống căng tin ăn mỳ tôm cũng được.	ບໍ່, ມຶງກິນແມະ. ຈັກໜ້ອຍກູລົງໄປກັງຕິນໄປກິນຕົ້ມໝີ່ອິກ.
15	Này! Tao thèm ăn nộm đu đủ Lào, mày làm cho tao ăn đi!	ເຮີຍ, ກູຢາກກິນຕຳໝາກຫຸ່ງລາວ, ມຶງເຮັດໃຫ້ກູກິນແນ່ແມະ!
16	Mày đi chợ mua đu đủ với ớt về đây tao làm cho.	ມຶງໄປຕະຫຼາດຊື້ມາກຫຸ່ງກັບໝາກເຜັດມາໃຫ້ກູເຮັດເດີ.
17	Nấu cơm chưa con?	ແຕ່ງກິນລະບໍລູກ?
18	Con nấu cơm rồi ạ!	ລູກແຕ່ງກິນແລ້ວໆ!
19	Mày nấu canh gì đấy?	ມຶງເຮັດແກງຫຍັງຫັ້ນ?
20	Tao nấu canh măng kiểu Lào. Mày ăn bao giờ chưa?	ກູເຮັດແກງໜໍ່ໄມ້ແບບລາວ. ມຶງເຄີຍກິນລະບໍ?	Gi ຈະອອກສຽງເປັນໂຕ ຢ ຖ້າທຽບໃສ່ສຳນຽງພາກໃຕ້
21	Tao chưa. Có khác canh măng của Việt không?	ກູຍັງບໍ່ເຄີຍກິນ. ມັນຕ່າງຈາກແກງໜໍ່ໄມ້ຢູ່ຫວຽດບໍ?
22	Tất nhiên là khác rồi!	ແນ່ນອນມັນຕ່າງຢູ່ແລ້ວ!

ໝາຍເຫດ: ຄຳອ່ານ (ຄຳທັບສັບ) ຈະບໍ່ຖືກຕ້ອງຕາມສຳນຽງພາສາຫວຽດ 100%

ສະຫຼຸບ: ບົດ​ຄວາມ​ຂ້າງ​ເທິງ​ນີ້​ໄດ້​ຮວບ​ຮ່ວມ​ຫຼາຍ​ກວ່າ 100 ຄຳ​ສັບ​ກ່ຽວ​ກັບ​ອາ​ຫານ ແລະ ເຄື່ອງ​ດື່ມ​ໃນ​ພາ​ສາ​ຫວຽດ. ພວກເຮົາຫວັງວ່າຄຳສັບເຫຼົ່ານີ້ຈະຊ່ວຍທ່ານຮຽນພາສາຫວຽດໄດ້ໄວຂື້ນ. ຖ້າທ່ານເຫັນວ່າບົດຄວາມນີ້ຫນ້າສົນໃຈທ່ານສາມາດແບ່ງປັນໃຫ້ກັບຫມູ່ເພື່ອນຂອງທ່ານໄດ້!

• Share on Facebook
• Share on WhatsApp
• Share on LINE
• Email this Page
• Share on Telegram

ຂໍຂອບໃຈ!