ຄຳສັບກ່ຽວກັບນິໄສໃຈຄໍຂອງຄົນໃນພາສາຫວຽດ

ນິໄສໃຈຄຳເປັນສິ່ງໜຶ່ງທີ່ສຳຄັນໃນຊີວິດປະຈຳວັນ. ຄຳສັບໃນພາສາຫວຽດມີຄວາມອຸດົມ ແລະ ຫຼາກຫຼາຍທີ່ສະແດງອອກໂດຍຜ່ານຄໍາສັບນິໄສໃຈຄໍຕ່າງໆຂອງຄົນ, ຈາກຄໍານາມທີ່ຊີ້ໃຫ້ເຫັນເຖິງນິໄສໃຈຄໍໃນທາງລົບໄປສູ່ນິໄສໃຈຄໍໃນດ້ານບວກ, ແຕ່ລະຄໍາມີຄວາມໝາຍເປັນເອກະລັກ ແລະ ສະທ້ອນໃຫ້ເຫັນທັດສະນະຂອງຜູ້ເວົ້າຕໍ່ບຸກຄົນໃດຫນຶ່ງ. ມື້ນີ້, ເຊີນທຸກຄົນມາຮຽນຄຳສັບກ່ຽວກັບຫົວຂໍ້ນີ້ກັບພວກເຮົາໃນບົດຄວາມດັ່ງລຸ່ມນີ້:

1. ຄຳສັບພາສາຫວຽດກ່ຽວກັບນິໄສໃຈຄໍຂອງຄົນ

ຄົນ,ສັດ ແລະ ວັດຖຸສິ່ງຂອງ ລ້ວນແລ້ວແຕ່ບໍ່ສົມບູນແບບໝົດ. ນິດໄສໃຈຄໍຂອງຄົນລ້ວນມີສອງດ້ານ: ດ້ານບວກ ແລະ ດ້ານລົບ. ພວກເຮົາຄວນສົ່ງເສີມນິດໄສໃນດ້ານບວກ ແລະ ຄ່ອຍໆຈໍາກັດລັກສະນະດ້ານລົບໄປໄດ້ຫຼາຍເທົ່າໃດຍິ່ງດີ.

1.1. ຄຳສັບກ່ຽວກັບນິໄສໃນດ້ານບວກ

ນິດໄສໃນດ້ານບວກແມ່ນສະແດງອອກໂດຍຜ່ານຄໍາສັບຕ່າງໆເຊັ່ນ “ໃຈດີ”, “ດຸຫມັ່ນ”, “ສຸພາບ” ແລະ “ຄວາມອົດທົນ”. ໃນການສື່ສານ, ຄໍາເຫຼົ່ານີ້ມັກຈະຖືກນໍາໃຊ້ເພື່ອສັນລະເສີນ ແລະ ຮູ້ຈັກນິໄສຂອງບຸກຄົນໃດຫນຶ່ງ. ລຸ່ມນີ້ແມ່ນ​ຄໍາ​ສັບ​ພາສາຫວຽດ​ທີ່​ນໍາ​ໃຊ້​ເພື່ອ​ເວົ້າ​ກ່ຽວ​ກັບ​ນິໄສໃນ​ດ້ານບວກ​​:

ລ/ດ	ຄຳສັບ	ຄຳທັບສັບ	ຄວາມໝາຍ	ໝາຍເຫດ
1	rộng lượng	ຢົ້ງ ເລື້ອງ	ກວ້າງຂວາງ, ໃຈກວ້າງ
2	duyên dáng	ຢວຽນ ຢາງ	ອ່ອນໂຍນ, ໜ້າຮັກ	D ຈະອອກສຽງເປັນໂຕ ຢ ຖ້າທຽບໃສ່ສຳນຽງພາກໃຕ້
3	kín đáo	ກິນ ດາວ	ນິໄສງຽບໆ, ມິດໆ, ມິດຊິດ
4	siêng năng	ຊຽງ ນັງ	ຂະຫຍັນໝັ່ນພຽນ
5	chu đáo	ຈູ ດາວ	ຮອບຄອບ, ຖີ່ຖ້ວນ
6	khéo léo	ແຂວ ແຫຼວ	ຄ່ອງແຄ້ວ, ຮູ້ຈັກອັນໃດຄວນອັນໃດບໍ່ຄວນ
7	lịch sự	ລິກ ຊຶ	ສຸພາບ
8	sáng tạo	ສາງ ຕ້າວ	ມີຫົວຄິດປະດິດສ້າງ
9	cầu toàn	ເກົ່າ ຕວ່ານ	ສົມບູນທຸກດ້ານ
10	dũng cảm	ຢຸງ ກາມ	ກ້າຫານ, ອາດຫານ, ພິລະອາດຫານ	D ຈະອອກສຽງເປັນໂຕ ຢ ຖ້າທຽບໃສ່ສຳນຽງພາກໃຕ້
11	hiếu khách	ຫຽວ ແຂັກ	ນິໄສເປັນມິດ
12	khiêm tốn	ຄຽມ ໂຕນ	ຖ່ອມຕົວ, ຄ່ຽມຄົມ
13	mạnh dạn	ແມັງ ຢ້ານ	ແຂງກ້າ, ກ້າກັ່ນ	D ຈະອອກສຽງເປັນໂຕ ຢ ຖ້າທຽບໃສ່ສຳນຽງພາກໃຕ້
14	tốt bụng	ໂຕດ ບຸ້ງ	ໃຈດີ
15	hiền lành	ຮ້ຽນ ແລັ່ງ	ໃຈດີ, ໃຈກຸສົນ
16	thật thà	ເທິດ ທ່າ	ຊື່ໆ, ສັດຊື່
17	thông minh	ທົງ ມິງ	ສະຫຼາດ
18	đúng giờ	ດຸ້ງ ເຢີ່	ຕົງເວລາ
19	thân thiện	ເທິນ ທ້ຽນ	ເປັນມິດ
20	nghiêm khắc	ງຽມ ຂັກ	ເຄັ່ງຂັດ, ເຂັ້ມງວດ
21	dễ thương	ເຢ ເທືອງ	ເປັນຕາແພງ	D ຈະອອກສຽງເປັນໂຕ ຢ ຖ້າທຽບໃສ່ສຳນຽງພາກໃຕ້
22	cẩn thận	ເກິນ ເທິ້ນ	ລະມັດລະວັງ, ຮອບຄອບຖີ່ຖ້ວນ
23	vui tính	ວຸຍ ຕິງ	ນິໄສມັກມ່ວນ
24	thú vị	ຖູ ວິ	ໜ້າຈັບໃຈ, ມ່ວນຊື່ນເບີກບານ
25	điềm tĩnh	ດ່ຽມ ຕິງ	ທຸ່ນທ່ຽງ
26	ngây thơ	ເງິຍ ເທີ	ໄຮ້ດຽງສາ
27	quyết đoán	ກວຽດ ດວານ	ເດັດຂາດ
28	năng động	ນັງ ດົ້ງ	ຫ້າວຫັນ, ຂະຫຍັນຂັນເຂື່ອນ
29	nhạy cảm	ໄຍ້ ກາມ	ອ່ອນໄຫວງ່າຍ
30	nhiệt tình	ຍຽດ ຕິ່ງ	ຫ້າວຫັນ, ຈຶກຈັກ
31	hài hước	ຮ່າຍ ເຫືອກ	ຕະຫຼົກເຮຮາ
32	trung thực	ຈຸງ ທຶກ	ສັດຊື່
33	dịu dàng	ຢິ້ວ ຢ່າງ	ອ່ອນໂຍນ	D ຈະອອກສຽງເປັນໂຕ ຢ ຖ້າທຽບໃສ່ສຳນຽງພາກໃຕ້
34	tử tế	ຕື ເຕ	ຮຽບຮ້ອຍ, ຈົບເຈືອ
35	đáng yêu	ດາງ -ອຽວ	ໜ້າຮັກ
36	trung thành	ຈຸງ ແທັ່ງ	ຈົງຮັກພັກດີ
37	chín chắn	ຈິນ ຈັນ	ສຸຂຸມຮອບຄອບ
38	thẳng thắn	ຖັງ ຖັນ	ຊື່ຕົງ, ຊື່ສັດ
39	nhân từ	ເຍິນ ຕື່	ເມດຕາ
40	ngoan ngoãn	ງວານ ຫງວານ	ຄຳຮູ້, ຮູ້ຄວາມ
41	tinh ý	ຕິງ ອີ	ສະຕິໄວ
42	hào phóng	ຮ່າວ ຝອງ	ໃຈໃຫຍ່, ໃຈກວ້າງຂວາງ
43	cởi mở	ເກີຍ ເໝີ	ຈິດໃຈກວ້າງຂວາງ, ເບິ່ງກວ້າງ
44	tự tin	ຕຶ ຕິນ	ເຊື່ອໝັ້ນຕົວເອງ
45	lạc quan	ລາກ ກວນ	ຄິດໃນແງ່ດີ, ເຊື່ອໝັ້ນຕໍ່ອະນາຄົດ
46	hòa đồng	ຮວ່າ ດົ່ງ	ປອງດອງ
47	Dễ gần	ເຢ ເ-ກິ່ນ	ເຂົ້າກັບຄົນໄດ້ງ້າຍ, ອັດທະຍາໄສດີ

ໝາຍເຫດ: ຄຳອ່ານ (ຄຳທັບສັບ) ຈະບໍ່ຖືກຕ້ອງຕາມສຳນຽງພາສາຫວຽດ 100%

*ເບິ່ງເພີ່ມຕື່ມຄຳສັບກ່ຽວກັບຄວາມຮູ້ສຶກໃນພາສາຫວຽດ>>>

1.2. ຄຳສັບກ່ຽວກັບນິໄສໃນດ້ານລົບ

ນອກຈາກຄຳສັບທີ່ສະແດງເຖິງນິໄສໃນດ້ານບວກແລ້ວ, ຍັງມີຄຳສັບທີ່ສະແດງເຖິງນິໄສໃນດ້ານລົບເຊັ່ນ: ເອົາຄວາມຄິດໂຕເອງເປັນໃຫຍ່, ຂີ້ຄ້ານ, ໃຈຮ້ອນ ແລະ ອື່ນໆ ທີ່ມີຄວາມໝາຍດ້ານລົບ ແລະ ສ້າງຄວາມປະທັບໃຈທີ່ບໍ່ດີໃນສາຍຕາຂອງຄົນອື່ນ. ບາງ​ຄຳ​ສັບ​ຂອງ​ພາສາຫວຽດ​​ທີ່​ເວົ້າ​ເຖິງ​ບຸກ​ຄົນໃນ​ທາງ​ລົບ​ມີ​ດັ່ງ​ນີ້:

ລ/ດ	ຄຳສັບ	ຄຳທັບສັບ	ຄວາມໝາຍ	ໝາຍເຫດ
1	hung hăng	ຮຸງ ຮັງ	ກະມຶງກະມັງ
2	tham vọng	ທາມ ວ້ອງ	ມັກໃຫຍ່ໄຝ່ສູງ
3	nóng tính	ໜອງ ຕິງ	ໃຈຮ້ອນ
4	lạnh lùng	ແລັ້ງ ລຸ່ງ	ເຢັນຊາ, ເສີຍເມີຍ, ເຢືອກເຢັນ
5	hống hách	ຫົງ ແຮັກ	ໂອ້ອວດຈອງຫອງ
6	hiếu thắng	ຫຽວ ຖັງ	ມັກລື່ນ, ມັກເອົາປຽບ
7	trầm tính	ເຈິ່ມ ຕິງ	ນິໄສມິດງຽບ, ບໍ່ມັກປາກ
8	nhàm chán	ຍ່າມ ຈານ	ເບື່ອໜ່າຍ
9	xảo quyệt	ສາວ ກວຽດ	ເລລ່ຽມ
10	cẩu thả	ເກົາ ຖາ	ມັກງ່າຍ, ບໍ່ມີລະບຽບ, ບໍ່ຮອບຄອບ
11	ganh đua	ແ-ກັງ ດົວ	ຊ່ວງຊີງ
12	yếu đuối	ອຽວ ດວຍ	ອ່ອນແອ
13	nhút nhát	ຍຸດ ຫຍາດ	ຂີ້ຢ້ານ
14	đố kỵ	ໂດ ກິ	ອິດສາ
15	nịnh hót	ນິ້ງ ຫອດ	ຈອບອອຍ
16	thô lỗ	ໂທ ໂຫຼ	ຫຍາບຄາຍ
17	cộc cằn	ກົກ ກັ່ນ	ມັກຮ້າຍ, ມັກຈົ່ມ
18	tham lam	ທາມ ລາມ	ໂລບມາກໂລພາ
19	ích kỷ	ອິກ ກີ	ເຫັນແກ່ຕົວ
20	không trung thực	ຄົງ ຈຸງ ທຶກ	ບໍ່ສັດຊື່
21	bất lịch sự	ເບິດ ລິກ ຊຶ	ເສຍມາລະຍາດ
22	dối trá	ໂຢຍ ຈາ	ຂີ້ສໍ້ລໍ້ລວງ	D ຈະອອກສຽງເປັນໂຕ ຢ ຖ້າທຽບໃສ່ສຳນຽງພາກໃຕ້
23	phàn nàn	ຟ່ານ ນ່ານ	ຂີ້ຈົ່ມ
24	đê tiện	ເດ ຕ້ຽນ	ຂີ້ຖ່ອຍ, ອັບປີ
25	láu cá	ເລົາ ກາ	ສະຫຼາດແກມໂກງ
26	kiêu ngạo	ກຽວ ງ້າວ	ອວດອົ່ງ
27	hỗn láo	ໂຫນ ຫຼາວ	ຈອງຫອງ
28	xấu tính	ເສົາ ຕິງ	ນິໄສບໍ່ດີ
29	bủn xỉn	ບຸນ ສິນ	ຂີ້ໜຽວ
30	bướng bỉnh	ເບືອງ ບິງ	ຫົວດື້, ດື້ດຶງ
31	dở hơi	ເຢີ ເຮີຍ	ບ້າໆບໍໆ, ບໍ່ເຂົ້າທ່າ	D ຈະອອກສຽງເປັນໂຕ ຢ ຖ້າທຽບໃສ່ສຳນຽງພາກໃຕ້
32	gian xảo	ຢານ ສາວ	ສໍ້ໂກງ	Gi ຈະອອກສຽງເປັນໂຕ ຢ ຖ້າທຽບໃສ່ສຳນຽງພາກໃຕ້
33	kiêu căng	ກຽວ ກັງ	ອວດອົ່ງ
34	tị nạnh	ຕິ ແນັ້ງ	ຫຶງສາ
35	lười biếng	ເລື່ອຍ ບຽງ	ຂີ້ຄ້ານ
36	thâm độc	ເທິມ ດົກ	ໂຫດຫ້ຽມ
37	nghịch ngợm	ງິກ ເງີມ	ຂີ້ດື້
38	hấp tấp	ເຫິບ ເຕິບ	ກະລົກກະລົນ
39	ngu ngốc	ງູ ຫງົກ	ໂງ່ຈ້າ
40	khờ khạo	ເຄີ່ ຄ້າວ	ເຊີ້ຊ້າເງິງະ
41	bảo thủ	ບາວ ຖູ	ເອົາຄວາມຄິດໂຕເອງເປັນໃຫຍ່
42	cả nể	ກາ ເໜ	ເກງໃຈ, ຢ້ານຜິດໃຈ
43	mít ướt	ໝິດ -ເອືອດ	ຂີ້ໄຫ້

ໝາຍເຫດ: ຄຳອ່ານ (ຄຳທັບສັບ) ຈະບໍ່ຖືກຕ້ອງຕາມສຳນຽງພາສາຫວຽດ 100%

*ເບິ່ງເພີ່ມຕື່ມຄຳສັບກ່ຽວກັບກິດຈະວັດປະຈຳວັນໃນພາສາຫວຽດ>>>

2. ປະໂຫຍກກ່ຽວກັບນິໄສໃຈຄໍທີ່ມັກໃຊ້ໃນພາສາຫວຽດ

ລ/ດ	ປະໂຫຍກ	ຄວາມໝາຍ
1	Công việc này đòi hỏi sự khéo léo và tỉ mỉ.	ວຽກນີ້ຕ້ອງອາໄສຄວາມຄ່ອງແຄ່ວ ແລະ ລະອຽດລະອໍ.
2	Minh là một học sinh chăm chỉ.	ມິງ ເປັນນັກຮຽນທີ່ດຸໜັ່ນ.
3	Đừng hấp tấp nếu không muốn làm hỏng việc.	ຢ່າກະລົກກະລົນຖ້າບໍ່ຢາກເຮັດໃຫ້ເສຍວຽກ.
4	Ông ta là một kẻ bảo thủ.	ລາວເປັນຄົນໜຶ່ງທີ່ເອົາຄວາມຄິດໂຕເອງເປັນໃຫຍ່.
5	Hãy suy nghĩ tích cực lên rồi mọi việc sẽ tốt thôi.	ຈົ່ງຄິດບວກເອົາໄວ້ແລ້ວທຸກຢ່າງຈະດີ.
6	Cậu ấy vừa tốt bụng vừa chu đáo.	ລາວທັງໃຈດີທັງຮອບຄອບ.
7	Tôi rất sợ bố tôi vì ông ấy là người rất nghiêm khắc.	ຂ້ອຍຢ້ານພໍ່ຂ້ອຍອີຫຼີເພາະລາວເປັນຄົນເຂັ້ມງວດຫຼາຍ.
8	Đôi khi tao thấy mày cũng dở hơi.	ບາງເທື່ອກູກະເຫັນມືງບ້າໆບໍໆ.
9	Mẹ tôi suốt ngày kêu ca phàn nàn.	ແມ່ຂ້ອຍຈຶ່ງຈົ່ມໝົດມື້ໝົດມື້.
10	Tôi không ngờ anh ta là một người ích kỷ đến thế!	ຂ້ອຍບໍ່ຄິດວ່າລາວຈະເປັນຄົນທີ່ເຫັນແກ່ຕົວປານນີ້!

ຂ້າງເທິງນີ້ແມ່ນຄຳສັບກ່ຽວກັບນິໄສທີ່ມີລັກສະນະໃນດ້ານບວກ ແລະ ດ້ານລົບໃນພາສາຫວຽດ. ແຕ່ລະຄຳສັບລ້ວນແຕ່ມີຈຸດພິເສດເປັນຂອງຕົນເອງໃນການຖ່າຍທອດ ແລະ ສ້າງຄວາມປະທັບໃຈໃຫ້ກັບຜູ້ຟັງ. ສະນັ້ນ, ການເລືອກໃຊ້ຄຳສັບທີ່ເໝາະສົມບໍ່ພຽງແຕ່ຊ່ວຍໃຫ້ເຮົາສື່ສານຢ່າງມີປະສິດທິພາບເທົ່ານັ້ນ ແຕ່ຍັງສະແດງເຖິງຄວາມເຄົາລົບ ແລະ ຄວາມເຂົ້າໃຈຂອງຄົນອື່ນອີກດ້ວຍ. ຫວັງ​ວ່າຜ່ານບົດ​ຮຽນ​ນີ້, ທ່ານ​ຈະຮຽນ​ໄດ້​ຄຳ​ສັບ​ຫຼາຍ​ກວ່າ​ເກົ່າ ແລະ ມີ​ຄວາມ​ໝັ້ນ​ໃຈ​ໃນ​ເວ​ລາ​ສື່ສານ​​ກັບ​ຄົນ​ຫວຽດຫຼາຍຂື້ນ​!

ຖ້າທ່ານເຫັນວ່າບົດຮຽນເົຮາມີປະໂຫຍກຕໍ່ທ່ານ ແລະ ໝູ່ເພື່ອນ, ທ່ານສາມາດເແຊບົດຮຽນໄປໃຫ້ໝູ່ໄດ້ຮຽນຮູ້ນຳ…!

• Share on Facebook
• Share on WhatsApp
• Share on LINE
• Email this Page
• Share on Telegram

ຂໍຂອບໃຈ