ຄຳສັບກ່ຽວກັບຜັກ ແລະ​ ໝາກໄມ້ໃນພາສາຫວຽດ

ຜັກ ແລະໝາກໄມ້ເປັນອາຫານທຳມະຊາດທີ່ສຳຄັນໃນຊີວິດປະຈຳວັນຂອງຄົນເຮົາ. ພວກມັນບໍ່ພຽງແຕ່ໃຫ້ວິຕາມິນ ແລະແຮ່ທາດເທົ່ານັ້ນ, ແຕ່ຍັງຊ່ວຍເພີ່ມຄວາມຕ້ານອະນຸມູນອິສະລະ ແລະປັບລະບົບຍ່ອຍອາຫານນຳອີກ. ຜັກມີຫຼາຍຊະນິດເຊັ່ນ: ຜັກກາດ, ຜັກບົ້ງ, ຜັກປັງ,… ມັກນຳໄປເຮັດແກງ, ລວກ ຫຼື ຂົ້ວ. ໝາກໄມ້ຍັງອຸດົມໄປດ້ວຍໝາກກ້ຽງ, ໝາກກ້ວຍ, ໝາກແອັບເປິ້ນ, ໝາກອະງຸ່ນ … ບໍ່ພຽງແຕ່ແຊບ, ແຕ່ຍັງມີສານອາຫານອີກດ້ວຍ. ສະນັ້ນ, ເຮົາຄວນຝຶກນິໄສການກິນຜັກ ແລະ ໝາກໄມ້ເປັນປະຈຳ ເພື່ອໃຫ້ມີສຸຂະພາບແຂງແຮງ. ໃນ​ບົດ​​ນີ້​, ທ່ານ​ຈະ​ໄດ້​ຮຽນ​ຮູ້​ບາງຄໍາ​ສັບ​​ກ່ຽວ​ກັບ​ໝາກ​ໄມ້ ​ແລະ​ ຜັກ​ໃນ​ພາ​ສາ​ຫວຽດ​​. ໃນແຕ່ລະຂໍ້ ພວກເຮົາຈະມີຄຳອ່ານພ້ອມ ເພື່ອເປັນຊ່ອງທາງໃຫ້ແກ່ຜູ້ທີ່ຍັງບໍ່ມີພື້ນຖານພາສາຫວຽດ.

1. ຄຳສັບກ່ຽວກັບຜັກໃນພາສາຫວຽດ

ຜັກແມ່ນປະເພດພຶດໃບຂຽວທີ່ກິນໄດ້. ຜັກບາງຊະນິດສາມາດກິນໄດ້ແຕ່ໃບ, ບາງຊະນິດສາມາດກິນໄດ້ທັງໃບ ແລະ ລຳ. ການກິນຜັກພຽງຊະນິດດຽວບໍ່ສາມາດໃຫ້ສານອາຫານພຽງພໍກັບຮ່າງກາຍໄດ້ ສະນັ້ນ, ພວກເຮົາຕ້ອງກິນຜັກຫຼາຍຊະນິດ. ຕາຕາລາງລຸ່ມນີ້ແມ່ນຄຳສັບກ່ຽວກັບຜັກໃນພາສາຫວຽດ.

ໝາຍເຫດ: ພຶດຜັກແຕ່ລະປະເພດ ທັງໃນພາສາຫວຽດ ແລະ ພາສາລາວ, ບາງເຂດ – ບາງທ້ອງຖິ່ນອາດຈະເອີ້ນຕ່າງກັນ.

ລ/ດ	ຄຳສັບພາສາຫວຽດ	ຄຳທັບສັບພາສາລາວ	ຄວາມໝາຍ	ໝາຍເຫດ
1	Rau ngót	ເຢົາ ງອດ	ຜັກຫວານ
2	Rau dền	ເຢົາ ເຢ່ນ	ຜັກຫົມ	D ຈະອອກສຽງເປັນໂຕ ຢ ຖ້າທຽບໃສ່ສຳນຽງພາກກາງ – ໃຕ້
3	Cần tây	ເກິ່ນ ເຕິຍ	ຜັກແຊນເນີລີ
4	Bắp cải	ບັບ ກາຍ	ຜັກກະລໍ່າປີ
5	Súp lơ trắng	ຊູບ ເລີ ຈັງ	ກະລ່ຳດອກ
6	Súp lơ xanh	ຊູບ ເລີ ແຊັງ	ບ໋ອກໂຄລີ
7	Rau muống	ເຢົາ ໝວງ	ຜັກບົ້ງ
8	Sà lách	ຊ່າ ແລັກ	ສະຫຼັດ
9	Hành lá	ແຮັ່ງ ຫຼາ	ຫອມບົ່ວໃບ
10	Rau mùi	ເຢົາ ມຸ່ຍ	ຫອມປ້ອມ
11	Rau răm	ເຢົາ ຢຳ	ຜັກແພວ
12	Rau má	ເຢົາ ໝາ	ຜັກໜອກ
13	Cải đắng	ກາຍ ດັງ	ຜັກກາດຂົມ
14	Rau thơm	ເຢົາ ເທີມ	ຜັກຫອມ
15	Lá tía tô	ຫຼາ ເຕຍ ໂຕ	ໃບຫອມເຫືອດ, ໃບແມງແຄງ
16	Rau mồng tơi	ເຢົາ ມົ່ງ ເຕີຍ	ຜັກປັງ
17	Rong biển	ຢອງ ບຽນ	ສາລ່າຍທະເລ
18	Lá lốt	ຫຼາ ໂລດ	ຜັກອີເລີດ
19	Giá đỗ	ຢາ ໂດ	ຖົ່ວງອກ
20	Rau húng	ເຢົາ ຫຸງ	ຜັກບົວລະພາ
21	thì là	ທີ່ ລ່າ	ຜັກຊີ
22	Rau tầu bay	ເຢົາ ເຕົ່າ ໄບ	ຜັກຍົນຫົງ
23	Mùi tàu	ມຸ່ຍ ເຕົ່າ	ຫອມເປ
24	Rau bình bát	ເຢົາ ບິ່ງ ບາດ	ຜັກຕຳນິນ
25	Lá chanh Thái	ຫຼາ ແຈັງ ຖາຍ	ໃບຂີ້ຫູດ
26	Tỏi	ຕອຍ	ກະທຽມ
27	Lá tỏi	ຫຼາ ຕອຍ	ໃບກະທຽມ
28	Rau cải làn	ເຢົາ ກາຍ ລ່ານ	ຜັກກາດນາ
29	Rau cải xoong	ເຢົາ ກາຍ ຊອງ	ຜັກກາດນ້ຳ
30	Rau nhút	ເຢົາ ຍຸດ	ຜັກກະເສດ
31	Rau cải cúc	ເຢົາ ກາຍ ກຸກ	ຜັກຕັງໂອ
32	Rau đay	ເຢົາ ໄດ	ຜັກປໍ
33	Rau ngổ	ເຢົາ ໂຫງ	ຜັກກະແຍງ
34	Rau thối	ເຢົາ ໂຖຍ	ຜັກເນົ່າ, ຜັກຂະ
35	Rau diếp cá	ເຢົາ ຢຽບ ກາ	ຜັກຄາວທອງ	D ຈະອອກສຽງເປັນໂຕ ຢ ຖ້າທຽບໃສ່ສຳນຽງພາກກາງ -ໃຕ້
36	Rau cải trắng	ເຢົາ ກາຍ ຈັງ	ຜັກກາດຂາວ
37	Rau hương nhu	ເຢົາ ເຮືອງ ຍູ	ຜັກກະເພົາ
38	húng bạc hà	ຫຸງ ບາກ ຮ່າ	ຫອມຮໍ້
39	húng é	ຫຸງ ເອ	ຜັກອີ່ຕູ່
40	lá hẹ	ຫຼາ ແຮະ	ຜັກສະແຫຼບ
41	Cải bẹ xanh	ກາຍ ແບະ ແຊັງ	ຜັກກາດຂີວ
42	Cải bẹ dưa	ກາຍ ແບະ ເຢືອ	ຜັກກາດຕີນໝີ	D ຈະອອກສຽງເປັນໂຕ ຢ ຖ້າທຽບໃສ່ສຳນຽງພາກກາງ – ໃຕ້
43	Cải thìa	ກາຍ ເທ່ຍ	ຜັກຮົ່ງເຕ້
44	Cải thảo	ກາຍ ຖາວ	ຜັກກາດຫຍໍ້
45	Rau dớn	ເຢົາ ເຢີນ	ຜັກກູດ	D ຈະອອກສຽງເປັນໂຕ ຢ ຖ້າທຽບໃສ່ສຳນຽງພາກກາງ -ໃຕ້

ໝາຍເຫດ: ຄຳອ່ານ (ຄຳທັບສັບ) ຈະບໍ່ຖືກຕ້ອງຕາມສຳນຽງພາສາຫວຽດ 100% ແລະ ຜັກ ຫຼື ຫອມແຕ່ລະປະເພດອາດຈະເອີ້ນຊື່ຕ່າງກັນຕາມແຕ່ລະທ້ອງຖິ່ນ.

2. ຄຳສັບກ່ຽວກັບພຶດປະເພດຫົວ ແລະໝາກໃນພາສາຫວຽດ

ນອກຈາກພຶດທີ່ເປັນໃບຂຽວແລ້ວ, ຍັງມີພຶດສ່ວນທີ່ເອີ້ນວ່າ “ຫົວ” ເຊິ່ງແມ່ນພາກສ່ວນທີ່ຈະເລີນເຕີບໂຕຢູ່ໃຕ້ດິນເຊັ່ນ: ຫົວມັນດ້າງ, ມັນເຝືອກ, ຫົວແຄລອດ… ແລະ “ໝາກ” ແມ່ນຜົນມາຈາກໝາກຫຼື ດອກ. ພຶດປະເພດທີ່ເປັນ ຫົວ ແລະ ໝາກ ບາງຊະນິດສາມາດກິນດິບໄດ້ ແຕ່ບາງຊະນິດກໍ່ຕ້ອງປຸງແຕ່ງໃຫ້ສຸກຈຶ່ງກິນໄດ້. ຕາຕາລາງລຸ່ມນີ້ແມ່ນບາງຄຳສັບກ່ຽວກັບພຶດປະເພດ ຫົວ ແລະ ໝາກ ໃນພາສາຫວຽດ.

ໝາຍເຫດ: ພຶດຜັກແຕ່ລະປະເພດ ທັງໃນພາສາຫວຽດ ແລະ ພາສາລາວ, ບາງເຂດ – ບາງທ້ອງຖິ່ນອາດຈະເອີ້ນຕ່າງກັນ.

ລ/ດ	ຄຳສັບພາສາຫວຽດ	ຄຳທັບສັບພາສາລາວ	ຄວາມໝາຍ	ໝາຍເຫດ
1	Ngô (bắp)	ໂງ (ບັບ)	ໝາກສາລີ
2	Củ dền đỏ	ກູ ເຢ່ນ ດໍ້	ບິດລູດ	D ຈະອອກສຽງເປັນໂຕ ຢ ຖ້າທຽບໃສ່ສຳນຽງພາກກາງ – ໃຕ້
3	Quả bí xanh	ກວາ ບີ ແຊັງ	ໝາກອຶສີຂຽວ
4	Dưa leo	ເຢືອ ແລວ	ໝາກແຕງ	D ຈະອອກສຽງເປັນໂຕ ຢ ຖ້າທຽບໃສ່ສຳນຽງພາກກາງ – ໃຕ້
5	Ớt chuông	ເອີດ ຈວງ	ໝາກເຜັດຫວານ
6	Cà da ếch	ກາ ຢາ ເອັກ	ໝາກເຂືອລາຍຂຽວ	D ຈະອອກສຽງເປັນໂຕ ຢ ຖ້າທຽບໃສ່ສຳນຽງພາກກາງ – ໃຕ້
7	Quả cà chua	ກວາ ກ່າ ຈົວ	ໝາກເລັ່ນ
8	Củ hẹ	ກູ ແຮະ	ຫົວຜັກປານ
9	Ớt/ ớt cay	ເອິດ /ເອິດ ໄກ	ໝາກເຜັດ(ເຜັດ)
10	Khoai lang	ຄວາຍ ລາງ	ມັນດ້າງ
11	Khoai tây	ຄວາຍ ເຕິຍ	ມັນຝຣັ່ງ
12	Củ nghệ	ກູ ເງະ	ຂີ້ໝິ້ນ
13	Củ riềng	ກູ ຢ່ຽງ	ຫົວຂ່າ	R ຈະອອກສຽງເປັນໂຕ ຢ ຖ້າທຽບໃສ່ສຳນຽງພາກກາງ – ໃຕ້
14	Hành tây	ແຮັ່ງ ເຕິຍ	ຫົວຜັກບົວໃຫຍ່
15	Củ sọ	ກູ ເຊາະ	ເຜືອກນ້ອຍ
16	Củ kiệu	ກູ ກ້ຽວ	ຫົວຜັກສະຄູ້
17	Su hào	ຊູ ຮ່າວ	ໝາກເວີ່, ໝາກຊູຮາວ
18	Củ cà rốt	ກູ ກ່າ ໂຣດ	ຫົວກາຣົດ
19	Củ gừng	ກູ -ກຶ່ງ	ຫົວຂີງ
20	Quả bí	ກວາ ບີ	ໝາກອຶ
21	Củ cải trắng	ກູ ກາຍ ຈັງ	ຫົວຜັກກາດຂາວ
22	Cà tím	ກ່າ ຕິມ	ໝາກເຂືອມ່ວງ
23	Quả mướp	ກວາ ເມືອບ	ໝາກບວບ
24	Bí đao	ບີ ດາວ	ໝາກໂຕ່ນ
25	Đậu đũa	ເດົ້າ ດົວ	ໝາກຖົ່ວຍາວ
26	Quả bầu	ກວາ ເບົ່າ	ໝາກນ້ຳເຕົ້າ
27	Su su	ຊູ ຊູ	ໝາກຊູ
28	Dưa chuột	ເຢືອ ຈວດ	ໝາກແຕງກວາ
29	Mướp đắng	ເໝືອບ ດັງ	ໝາກມາລະ
30	Đậu rồng	ເດົ້າ ຢົ່ງ	ໝາກຖົ່ວພູ
31	Khoai môn	ຄວາຍ ໂມນ	ເຜືອກ
32	khoai Sắn	ຄວາຍ ສັນ	ມັນຕົ້ນ
33	Củ từ	ກູ ຕື່	ມັນອ້ອນ
34	Măng tây	ມັງ ເຕິຍ	ໜໍ່ໄມ້ຝຮັ່ງ
35	Củ sả	ກູ ສາ	ຫົວສີໄຄ
36	Củ đậu	ກູ ເດົ້າ	ມັນເພົາ
37	Củ hành khô	ກູ ແຮັ່ງ ໂຄ	ຫົວຜັກບົ່ວແຫ້ງ
38	Củ tỏi	ກູ ຕອຍ	ຫົວຜັກທຽມ
39	Đậu bắp	ເດົ້າ ບັບ	ໝາກເມືອບ

ໝາຍເຫດ: ຄຳອ່ານ (ຄຳທັບສັບ) ຈະບໍ່ຖືກຕ້ອງຕາມສຳນຽງພາສາຫວຽດ100% ແລະ ຫົວມັນ ຫຼື ຫົວຜັກແຕ່ລະປະເພດອາດຈະເອີ້ນຊື່ຕ່າງກັນຕາມແຕ່ລະທ້ອງຖິ່ນ.

3. ຄຳສັບກ່ຽວກັບປະເພດໝາກໄມ້ໃນພາສາຫວຽດ

ໝາກໄມ້ມີຫຼາຍປະເພດເຊັ່ນ: ໝາກກ້ວຍ, ໝາກກ້ຽງ, ໝາກແອັບປິ້ນ, ໝາກໂມ, ໝາກມ່ວງ, … ບໍ່ພຽງແຕ່ມີລົດຊາດແຊບ, ແຕ່ຍັງໃຫ້ທາດນ້ຳຕານທໍາມະຊາດ, ເສັ້ນໄຍອາຫານ ແລະວິຕາມິນທີ່ຈໍາເປັນສໍາລັບຮ່າງກາຍ. ການສຶກສາຄົ້ນຄວ້າພົບວ່າການກິນໝາກໄມ້ເປັນປະຈໍາຊ່ວຍປ້ອງກັນພະຍາດ, ຄວາມດັນເລືອດ, ພະຍາດເບົາຫວານ, ຊ່ວຍບຳລຸງສະໝອງ ແລະປັບອາລົມ. ໝາກໄມ້ຍັງຖືກນຳໄປເຮັດຂະໜົມຫວານ, ນ້ຳປັ່ນ, ນ້ຳໝາກໄມ້ ຫຼືສະຫຼັດ. ຕາຕະລາງລຸ່ມນີ້ແມ່ນຄຳສັບກ່ຽວກັບໝາກໄມ້ໃນພາສາຫວຽດ.

ໝາຍເຫດ: ໝາກໄມ້ແຕ່ລະປະເພດ ທັງໃນພາສາຫວຽດ ແລະ ພາສາລາວ, ບາງເຂດ – ບາງທ້ອງຖິ່ນອາດຈະເອີ້ນຕ່າງກັນ.

ລ/ດ	ຄຳສັບພາສາຫວຽດ	ຄຳທັບສັບພາສາລາວ	ຄວາມໝາຍ	ໝາຍເຫດ
1	Quả xoài	ກວາ ຊວ່າຍ	ໝາກມ່ວງ
2	Quả  chanh leo	ກວາ ແຈັງ ແລວ	ໝາກນອດ
3	Quả khế	ກວາ ເຂ	ໝາກເຟືອງ
4	Quả mãng cầu	ກວາ ໝາງ ເກົ່າ	ໝາກຂາບຝຮັ່ງ
5	Quả cóc	ກວາ ກັອກ	ໝາກກອກ
6	Quả mâm xôi đen	ກວາ ເມິມ ໂຊຍ ແດນ	ແບລັກເບີຣີ
7	Quả mít	ກວາ ມິດ	ໝາກມີ້
8	Quả mận	ກວາ ເມິ້ນ	ໝາກໝັ້ນ
9	Quả chanh vàng	ກວາ ແຈັງ ວ່າງ	ເລມອນ
10	Quả đu đủ	ກວາ ດູ ດູ໋	ໝາກຫຸ່ງ
11	Quả táo	ກວາ ຕາວ	ໝາກແອັບເປິ້ນ
12	Quả nho	ກວາ ຍໍ	ໝາກອາງຸ່ນ
13	Quả bưởi	ກວາ ເບືອຍ	ໝາກພຸກ(ໝາກສົ້ມໂອ)
14	Quả chuối	ກວາ ຈວຍ	ໝາກກ້ວຍ
15	Quả đào	ກວາ ດ່າວ	ໝາກຄາຍ
16	Quả bơ	ກວາ ເບີ	ໝາກອາໂວກາໂດ
17	Quả dưa hấu	ກວາ ເຢືອ ເຫົາ	ໝາກໂມ	D ຈະອອກສຽງເປັນໂຕ ຢ ຖ້າທຽບໃສ່ສຳນຽງພາກກາງ – ໃຕ້
18	Quả vải	ກວາ ຫວາຍ	ໝາກລິນຈີ່
19	Quả lựu	ກວາ ລືວ	ໝາກພິລາ
20	Quả cam	ກວາ ກາມ	ໝາກກ້ຽງ
21	Quả chôm chôm	ກວາ ໂຈມ ໂຈມ	ໝາກງອກ
22	Quả dừa	ກວາ ເຢື່ອ	ໝາກພ້າວ	D ຈະອອກສຽງເປັນໂຕ ຢ ຖ້າທຽບໃສ່ສຳນຽງພາກກາງ – ໃຕ້
23	Quả sầu riêng	ກວາ ເຊົ່າ ຣຽງ	ໝາກທຸລຽນ
24	Quả quất	ກວາ ກັວດ	ໝາກກ້ຽງນ້ອຍໆ
25	Quả lê	ກວາ ເລ	ໝາກຊາລີ
26	Quả dâu tây	ກວາ ເຢົາ ເຕິຍ	ໝາກສະຕໍເບີລີ	D ຈະອອກສຽງເປັນໂຕ ຢ ຖ້າທຽບໃສ່ສຳນຽງພາກກາງ – ໃຕ້
28	Quả dứa	ກວາ ເຢືອ	ໝາກນັດ	D ຈະອອກສຽງເປັນໂຕ ຢ ຖ້າທຽບໃສ່ສຳນຽງພາກກາງ – ໃຕ້
29	Quả ổi	ກວາ ໂອຍ	ໝາກສີດາ
30	Quả dưa	ກວາ ເຢືອ	ໝາກແຕງ	D ຈະອອກສຽງເປັນໂຕ ຢ ຖ້າທຽບໃສ່ສຳນຽງພາກກາງ – ໃຕ້
31	Quả thanh long	ກວາ ແທັງ ລອງ	ໝາກມັງກອນ
32	Quả nhãn	ກວາ ຫຍານ	ໝາກລຳໄຍ
33	Quả mơ	ກວາ ເມີ	ໝາກຝູງ
34	Quả quýt	ກວາ ກວິດ	ໝາກກ້ຽງນ້ອຍ
35	Quả măng cụt	ກວາ ມັງ ກຸດ	ໝາກມັງຄຸດ
36	Quả dưa vàng	ກວາ ເຢືອ ວ່າງ	ໝາກເມລ່ອນເຫຼືອງ	D ຈະອອກສຽງເປັນໂຕ ຢ ຖ້າທຽບໃສ່ສຳນຽງພາກກາງ – ໃຕ້
37	Quả kiwi	ກວາ ກີວີ	ໝາກກີວີ່
38	Quả bòn bon	ກວາ ບ່ອນ ບອນ	ໝາກຫຼອງກອງ
39	Qủa hồng xiêm	ກວາ ຮົ່ງ ຊຽມ	ໝາກລຳມຸດ
39	Quả me	ກວາ ແມ	ໝາກຂາມ
40	Quả na	ກວາ ນາ	ໝາກຂຽບ
41	Quả mây	ກວາ ເມິຍ	ໝາກຫວາຍ
42	Quả mây Thái	ກວາ ເມີຍ ຖາຍ	ໝາກລະກຳ
43	Quả cọ	ກວາ ເກາະ	ໝາກຄໍ້

ໝາຍເຫດ: ຄຳອ່ານ (ຄຳທັບສັບ) ຈະບໍ່ຖືກຕ້ອງຕາມສຳນຽງພາສາຫວຽດ100% ແລະ ໝາກໄມ້ແຕ່ລະປະເພດອາດຈະເອີ້ນຊື່ຕ່າງກັນຕາມແຕ່ລະທ້ອງຖິ່ນ.

4. ຄຳສັບກ່ຽວກັບໝາກຖົ່ວ ແລະ ເມັດໃນພາສາຫວຽດ

ໝາກຖົ່ວ ແລະ ແກ່ນຕ່າງໆ ເປັນອາຫານທີ່ມີປະໂຫຍດຕໍ່ສຸຂະພາບຫຼາຍ. ຕາຕາລາງລຸ່ມນີ້ແມ່ນຄຳສັບກ່ຽວກັບຖົ່ວ ແລະ ແກ່ນແບາງຊະນິດໃນພາສາຫວຽດ.

ໝາຍເຫດ: ຖົ່ວ, ແກ່ນ ແຕ່ລະປະເພດ ທັງໃນພາສາຫວຽດ ແລະ ພາສາລາວ, ບາງເຂດ – ບາງທ້ອງຖິ່ນອາດຈະເອີ້ນຕ່າງກັນ.

ລ/ດ	ຄຳສັບພາສາຫວຽດ	ຄຳທັບສັບພາສາລາວ	ຄວາມໝາຍ	ໝາຍເຫດ
1	Hạt điều	ຫາດ ດ່ຽວ	ເມັດໝາກມ່ວງຫິມະພານ
2	Hạt óc chó	ຫາດ ອັອກ ຈໍ	ເມັດວໍນັດ, ໝາກສະໝອງລິງ
3	Hạnh nhân	ແຮັ້ງ ເຍິນ	ເອວມ໋ອນ
4	Hạt vừng	ຫາດ ວຶ່ງ	ໝາກງາ
5	Hạt bí	ຫາດ ບີ	ແກ່ນໝາກອຶ
6	Hạt tiêu	ຫາດ ຕຽວ	ພິກໄທ
7	Hạt chia	ຫາດ ເຈຍ	ເມັດເຈຍ
8	Hạt hướng dương	ຫາດ ເຫືອງ ເຢືອງ	ແກ່ນຕາເວັນ	D ຈະອອກສຽງເປັນໂຕ ຢ ຖ້າທຽບໃສ່ສຳນຽງພາກກາງ – ໃຕ້
9	Hạt mắc ca	ຫາດ ມັກ ກາ	ເມັດມະຄາເດເມຍ
10	Hạt dẻ cười	ຫາດ ແຢ ເກື່ອຍ	ເມັດພິສຕາຊີໂອ	D ຈະອອກສຽງເປັນໂຕ ຢ ຖ້າທຽບໃສ່ສຳນຽງພາກກາງ – ໃຕ້
11	Hạt dẻ	ຫາດ ແຢ	ເມັດໝາກກໍ່	D ຈະອອກສຽງເປັນໂຕ ຢ ຖ້າທຽບໃສ່ສຳນຽງພາກກາງ – ໃຕ້
12	Đậu nành	ເດົ້າ ແນັ່ງ	ຖົ່ວເຫຼືອງ
13	Đậu xanh	ເດົ້າ ແຊັງ	ຖົ່ວຂຽວ
14	Đậu đỏ	ເດົ້າ ດໍ	ຖົ່ວແດງ
15	Đậu Hà Lan	ເດົ້າ ຮ່າ ລານ	ຖົ່ວລັນເຕົາ

ໝາຍເຫດ: ຄຳອ່ານ (ຄຳທັບສັບ) ຈະບໍ່ຖືກຕ້ອງຕາມສຳນຽງພາສາຫວຽດ100% ແລະ ຖົ່ວ ຫຼື ແກ່ນແຕ່ລະປະເພດອາດຈະເອີ້ນຊື່ຕ່າງກັນຕາມແຕ່ລະທ້ອງຖິ່ນ.

5. ຄຳສັບກ່ຽວກັບເຫັດໃນພາສາຫວຽດ

ເຫັດແມ່ນສິ່ງມີຊີວິດທີ່ນອນຢູ່ໃນກຸ່ມຈຸລິນຊີ ຫຼື ເອີ້ນອີກຊື່ໜຶ່ງວ່າ: ເຊື້ອລາທີ່ເປັນອາຫານ. ເຫັດແຊບ ແລະ ໃຫ້ທາດທາດບຳລຸງຫຼາຍຕໍ່ສຸຂະພາບຂອງຄົນເຮົາ. ໃນການນຳເອົາເຫັດມາປຸງແຕ່ເປັນອາຫານ, ບໍ່​ສະເພາະແຕ່​ຄົນລາວ​ເທົ່າ​ນັ້ນ ​ຄົນຫວຽດກໍ່ມັກ​ໃຊ້​ເຫັດ​ເພື່ອ​ນຳມາປຸງ​ແຕ່ງ​ອາຫານເຊັ່ນກັນ. ຕາຕາລາງລຸ່ມນີ້ແມ່ນຄຳສັບກ່ຽວກັບເຫັດໃນພາສາຫວຽດ.

ໝາຍເຫດ: ເຫັດ ແຕ່ລະປະເພດ ທັງໃນພາສາຫວຽດ ແລະ ພາສາລາວ, ບາງເຂດ – ບາງທ້ອງຖິ່ນອາດຈະເອີ້ນຕ່າງກັນ.

ລ/ດ	ຄຳສັບພາສາຫວຽດ	ຄຳທັບສັບພາສາລາວ	ຄວາມໝາຍ	ໝາຍເຫດ
1	Nấm	ເໜິມ	ເຫັດ
2	Nấm đùi gà	ເໜິມ ດຸ່ຍ -ກ່າ	ເຫັດຊິເມຈິ
3	Mộc nhĩ đen	ໂມກ ຫຍີ ແດນ	ເຫັດຫູໜູດຳ
4	Nấm tràm	ເໝິມ ຈ່າມ	ເຫັດຣາ( ເຫັດຂົມ )
5	Nấm bào ngư	ເໜິມ ບ່າວ ງື	ເຫັດນາງລົມ
6	Nấm linh chi	ເໜິມ ລິງ ຈີ	ເຫັດລິງຈີ
7	Nấm kim châm	ເໜິມ ກິມ ເຈິມ	ເຫັດເຂັມ
8	Nấm rơm	ເໜິມ ເຢີມ	ເຫັດເຟືອງ
9	Nấm hải sản	ເໜິມ ຫາຍ ສານ	ເຫັດເຂັມໃຫຍ່
10	Nấm mỡ	ເໜິມ ເໝີ	ເຫັດກະດຸມ
11	Nấm tuyết	ເໜິມ ຕວຽດ	ເຫັດຂາວ
12	Nấm mối	ເໜິມ ໂໝຍ	ເຫັດປວກ
13	Nấm hương/ nấm đông cô	ເໜິມ ເທືອງ/ເໜິມ ດົງ ໂກ	ເຫັດຫອມ
14	Nấm tai mèo	ເໜິມ ຕາຍ ແມ່ວ	ເຫັດຫູໜູແດງ

ໝາຍເຫດ: ຄຳອ່ານ (ຄຳທັບສັບ) ຈະບໍ່ຖືກຕ້ອງຕາມສຳນຽງພາສາຫວຽດ100% ແລະ ເຫັດແຕ່ລະປະເພດອາດຈະເອີ້ນຊື່ຕ່າງກັນຕາມແຕ່ລະທ້ອງຖິ່ນ.

6. ປະໂຫຍກຕົວຢ່າງກ່ຽວກັບຜັກ ແລະ ໝາກໄມ້ໃນພາສາຫວຽດ

ຕົວຢ່າງ 10 ປະໂຫຍກກ່ຽວກັບຜັກ ແລະໝາກໄມ້ທີ່ນິຍົມໃຊ້ໃນພາສາຫວຽດ.

ລ/ດ	ປະໂຫຍກພາສາຫວຽດ	ຄວາມໝາຍ	ໝາຍເຫດ
1	Bạn thích uống loại sinh tố trái cây nào nhất?	ເຈົ້າມັກກິນນ້ຳປັ່ນໝາກໄມ້ໃດຫຼາຍທີ່ສຸດ?
2	Tôi thích uống sinh tố bơ nhất.	ຂ້ອຍມັກກິນນ້ຳປັ່ນອາໂວກາໂດທີ່ສຸດ.
3	Tôi thích ăn rau hơn ăn thịt.	ຂ້ອຍມັກກິນຜັກຫຼາຍກວ່າກິນຊີ້ນ.
4	Tôi thích ăn xoài chua.	ຂ້ອຍມັກກິນໝາກມ່ວງສົ້ມ.
5	Tối nay ăn lẩu bạn nhớ mua nấm kim châm nhé!	ມື້ແລງນີ້ກິນຈຸ່ມ ເຈົ້າຢ່າລືມຊື້ເຫັດເຂັມເດີ!
6	Bạn mua giúp tôi một túi hạt tiêu và hai mớ rau cải nhé!	ຂ້ອຍຫາເຈົ້າຊື້ພິກໄທຖົງໜຶ່ງ ແລະ ຜັກກາດຂາວສອງມັດແນ່!	Gi ຈະອອກສຽງເປັນໂຕ ຢ ຖ້າທຽບໃສ່ສຳນຽງພາກກາງ – ໃຕ້
7	Dạo này rau đắt quá!	ຊ່ວງນີ້ຜັກແພງຫຼາຍ!
8	Tôi thường mua cam để đi thăm người ốm	ປົກກະຕິຂ້ອຍມັກຊື້ໝາກກ້ຽງໄປຢ້ຽມຄົນໄຂ້.
9	Quả mít này chín rồi! Bổ thôi!	ໝາກມີ້ນີ້ສຸກແລ້ວ! ຜ່າກິນເລີຍ!
10	Mẹ luộc lạc cho con ăn với!	ແມ່ຕົ້ມຖົ່ວດິນໃຫ້ລູກກິນແດ່!

ຜ່ານບົດຮຽນນີ້, ທ່ານຈື່ຊື່ຜັກ, ຫົວຜັກ, ໝາກໄມ້ ແລະ ເຫັດ ໃນພາສາຫວຽດໄດ້ຈັກຢ່າງແລ້ວ? ພວກ​ເຮົາ​ຫວັງ​ວ່າ​ຄໍາ​ສັບ​ເຫຼົ່າ​ນີ້​ຈະ​ຊ່ວຍ​ໃຫ້​ທ່ານຮຽນຮູ້ບໍ່​ຫຼາຍ​ກໍ່​ໜ້ອຍແລ້ວ. ຖ້າທ່ານເຫັນວ່າບົດຮຽນນີ້ຫນ້າສົນໃຈ, ທ່ານສາມາດແບ່ງປັນບົດນີ້ໃຫ້ກັບຫມູ່ເພື່ອນຂອງທ່ານໄດ້ຮຽນນຳເດີ!

• Share on Facebook
• Share on WhatsApp
• Share on LINE
• Email this Page
• Share on Telegram

ຂໍຂອບໃຈ!